नवलपरासीको मतपत्र परेको नगरकोटमा मतदान सम्पन्न

<p><span style="line-height: 1.42857;">भक्तपुुर ।</span><br></p><p>भक्तपुरको चाँगुनारायण नगरपालिका स्थित साविक नगरकोट गाविस भवन केन्द्रमा &nbsp;मतदान सम्पन्न भएको छ ।</p><p>बैशाख ३१ गते निर्वाचन भएपनि उक्त मतदान केन्द्रको बुथ ख मा नवलपरासी जिल्लाको मत परेको र सो मतमा नेपाल मजदुर किसान पार्टीको चुनाव चिन्ह मादल नभएको कारण चाँगुनारायणको मत गणनामा विवाद भएको थियो ।&nbsp;</p><p>नेपाल मजदुर किसान पार्टीले उक्त बुथमा खसेको जम्मा २२ मत बदर गरी पुन निर्वाचन गर्नुपर्ने माग गर्दै आएको थियो ।</p><p>यसै कारण बढेको विवाद समाधान हुन नसक्दा सो केन्द्रमा निर्वाचन आयोगले पुनः मतदान गर्ने निर्णय गरेको थियो । आयोगको निर्णय अनुसार आज सो केन्द्रमा पुन ः मतदान भएको हो ।</p><p>८ सय ४० जना मतदाता रहेको उक्त बुथमा आजको मतदानमा ६ सय ८७ मत खसेको निर्वाचन अधिकृतको कार्यालयले जनाएको छ । ३१ गते मतदानमा सो बुथमा ६ सय ८० मत खसेको थियो ।</p><p>चाँगुनारायण नगरपालिकामा नेपाली काँग्रेसका तर्फबाट राजाराम खड्का, एमालेबाट सोम मिश्र, राप्रपाबाट रविन्द्रप्रताप शाह र नेमकिपाबाट न्हुच्छे फोजु मेयर पदका उम्मेदवार रहेका छन् । यहाँको मतगणना सर्वदलिय बैठकको सहमति अनुसार शुरु &nbsp;गरिएको छ ।</p><div><br></div>