नेपालको नाममा रेडर्क राख्न हिंडेका शेरचनको सपना आधार शिविरमै टुंगियो

<p><span style="line-height: 1.42857;">काठमाडौं ।</span><br></p><p>सगरमाथा आरोही मिनबहादुर शेरचनको ८६ वर्षको उमेरमा निधन भएको छ । ८६ बर्षको उमेरमा सगरमाथा आरोहणका लागि सगरमाथा आधारशिविर पुगेका शेरचनको त्यही निधन भएको हो ।</p><p><br></p><p>म्याग्दीको भुरुङ तातोपानीका ८६ वर्षीय पूर्व गोरखा सैनिक मीनबहादुर शेरचनले गत बर्षमात्र पुनः विश्वको सर्वोच्च शिखर सगरमाथा चढ्ने घोषणा गरेका थिए ।</p><p><br></p><p>शेरचन वैशाख ३ गते आइतबार सात सदस्यीय टोलीसहित काठमाडौंबाट सगरमाथा आरोहणमा हिँडेका थिए ।</p><p><br></p><p>शेरचनको आधार शिविरमा ५ बजेर १४ मिनेट जाँदा निधन भएको पर्यटन बिभागले जानकारी दिएको छ ।</p><p>आरोही शेरचनको ह्रदयाघातका कारण निधन भएको पर्यटन बोर्डले जानकारी दिएको छ ।</p><p><br></p><p>शेरचनको आरोहणका लागि 'मीनबहादुर शेरचन सगरमाथा आरोहण अभियान' नै चलाएर बिभिन्न देशमा आर्थिक सहयोग समेत जुटाउने क्रम चलिरहेको थियो ।</p><p><br></p><p>यसअघि शेरचनले ७६ वर्षको उमेरमा सन् २००८ मा सगरमाथा चढेका थिए । तर उनको रेकर्ड तोड्दै ८० बर्षीय जापानी नागरिक युचिरो मिउराले सो रेकर्ड तोडेका थिए । आफ्नो रेकर्ड तोडिएपछि शेरचनले पुन सगरमाथा चढेर आफ्नो रेकर्ड कायम गर्ने घोषणा गरेका थिए ।</p><p><br></p><p>शेरचनले ज्येष्ठ नागरिकमध्येबाट सगरमाथा आरोहण गरी आफ्नो विश्व कीर्तिमान पुनः कायम गराउन गत वर्ष सगरमाथा आरोहण गर्न सुरु गरे पनि वैशाख १२ गतेको भूकम्पको कारण आरोहण स्थगित गरेका थिए ।</p><p><img src="https://topnepalnews.comuploads/posts/188be96f1f9c3c8ba12389df1fd94e681494077030.jpg" style="width: 601.495px; height: 400.812px;"><br></p><p><br></p><p><br></p><p>यसअघि २०६५ जेठ १२ मा ७८ वर्षको उमेरमा सबभन्दा बढी उमेरका नागरिकका तर्फबाट पहिलोपटक शिखर चुम्न सफल भई ‘गिनिज बुक अफ वल्र्ड रेकर्डस्’ मा नाम लेखाउन सफल भएका थिए ।</p><p><br></p><p>आरोही शेरचनले यसपटकको सगरमाथा आरोहण विश्वशान्ति र पृथ्वीआमाको रक्षाका लागि भएको बताएका थिए ।</p><p><br></p><p>सगरमाथा शिखर पुन चढ्ने घोषणा गर्दै शेरचनले भनेका थिए ‘मेरो ८६ वर्ष उमेर किर्ते गरेको हो जस्तो लाग्छ । म सगरमाथा चढेरै छाड्छु, केश फुलेको छ, मन फुलेको छैन कि मरेर आउँछु कि चढेर आउँछु, इतिहास कायम गरी राष्ट्रलाई चिनाउन यो उमेरमा मैले सगरमाथा रोजेको हुँ ।’</p><p><br></p><p><img src="https://topnepalnews.comuploads/posts/bc6ca56d72fb95266d3097800df000d21494077062.jpg" style="width: 650px;"><br></p><p><br></p><p>सगरमाथा चढेर वा मरेर आउने घोषणा गरेका शेरचनको सगरमाथा आरोहण नथाल्दै निधन भएपछि बढी उमेरमा सगरमाथा चढ्ने रेकर्ड नेपालको नाममा राख्ने यात्रा अधुरो रहन गएको छ ।</p><p>'हार्दीक श्रद्धाञ्जली सगरमाथा आरोही मिनबहादुर शेरचन'</p>