भक्तपुरमा तीन दलित महिला उम्मेदवार निर्विरोध निर्वाचित

<p><span style="line-height: 1.42857;">भक्तपुर ।</span><br></p><p>बैशाख ३१ गते हुने स्थानीय तहको निर्वाचन अन्तर्गत भक्तपुरमा तीन जना दलित महिला उम्मेदवार निर्विरोध निर्वाचित हुनु भएको छ ।</p><p>जिल्ला निर्वाचन कार्यालय भक्तपुरका अनुसार भक्तपुर नगरपालिकामा दुई र मध्यपुर थिमि नगरपालिका एक गरी तीनजना दलित महिला उम्मेदवार निर्विरोध निर्वाचित हुनु भएको हो ।</p><p>भक्तपुर नगरपालिका वडा नं २ मा मंगललक्ष्मी शाही र वडा नं ७ मा रीजु कपाली निर्विरोध निर्वाचित हुनुभएको कार्यालयका प्रमुख उमेश राईले जानकारी दिनुभयो ।</p><p>उहाँका अनुसार शाही र कपाली दुवै नेपाल मजदुर किसान पार्टीका हुनुहुन्छ ।</p><p>त्यस्तै मध्यपुर थिमी नगरपालिका वडा नं २ मा अम्बिका रजक निर्विरोध निर्वाचित हुनुभएको छ । उहाँले नेकपा एमालेको तर्फबाट उम्मेदवारी दिनुभएको थियो ।&nbsp;</p>