हेटौंडामा ४ जनाले गरे उम्मेदवारी फिर्ता, हेटौंडा र थाहामा काँग्रेस माओवादी गठबन्धन

<p><span style="line-height: 1.42857;">हेटौंडा ।</span><br></p><p>स्थानीय तहको निर्वाचनको लागि हेटौंडा उपमहानगरपालिकाबाट मेयर र उपमेयर पदमा उम्मेदवारी दिएका ४ जनाले उम्मेदवारी फिर्ता लिएका छन् ।</p><p>मेयर पदका ३ जनाले र उपमेयर पदका एक जनाले उम्मेदवारी दिएका एकजनाले उम्मेदवारी फिर्ता लिएका हुन् । मेयर पदबाट उम्मेदवारी फिर्ता लिनेमा नेकपा माओवादी केन्द्रका कुमारी मोक्तान तथा स्वतन्त्र उम्मेदवारद्वय भरतबहादुर थापा र ज्ञानबहादुर गोले रहेका छन् ।</p><p>यस्तै उपमेयरबाट उम्मेदवारी फिर्ता लिने नेपाली काँग्रेसका उम्मेदवार लक्ष्मीदेवी श्रेष्ठ हुन् । हेटौंडाबाट ८ जना स्वतन्त्रसहित १८ जनाले मेयर पदमा उम्मेदवारी दिएका थिए भने उपमेयरमा ४ स्वतन्त्रसहित १३ जनाले उम्मेदवारी दिएका थिए ।</p><p>अब मेयरको लागि हेटौंडामा १५ जनाको वीचमा चुनाव हुनेछ भने उपमेयरको लागि १२ जना चुनावी स्पर्धामा हुनेछन् । यस्तै वडा अध्यक्ष पदमा उम्मेदवारी दिएका २ जना स्वतन्त्र उम्मेदवार तथा सदस्य पदका एक उम्मेदवारले पनि उम्मेदवारी फिर्ता लिएका छन् ।</p><p>हेटौंडा–७ मा स्वतन्त्र रुपमा उम्मेदवारी दिएका हेमप्रसाद अधिकारी र १५ नम्बर वडा अध्यक्षमा उम्मेदवारी दिएका स्वतन्त्र उम्मेदवार गणेशबहादुर भुलुनले उम्मेदवारी फिर्ता लिएको मुख्य निर्वाचन अधिकृतको कार्यालय हेटौंडाले जानकारी दिएको छ । उम्मेदवारी दर्ताको दिन मेयर, उपमेयर, वडा अध्यक्ष, सदस्य गरी हेटौंडामा जम्मा ४ सय ९५ जनाले उम्मेदवारी दिएका थिए ।&nbsp;</p><p><b><span style="line-height: 1.42857;">हेटौंडा र थाहामा काँग्रेस माओवादीको एलायन्स</span><br></b></p><p>स्थानीय चुनावको लागि मकवानपुरमा सत्तारुढ दल नेपाली काँग्रेस र नेकपा माओवादी केन्द्रको बीचमा तालमेल (एलायन्स) हुने भएको छ । निर्वाचन आयोगले तोकेको उम्मेदवारी फिर्ता लिने दिनको अन्तिम समयमा चुनावमा तालमेल गर्ने गरी काँग्रेस र माओवादी केन्द्रका उम्मेदवारहरुले उम्मेदवारी फिर्ता लिएपछि एलायन्स हुने पक्का भएको हो ।</p><p>उम्मेदवारी दर्ताकै क्रममा तालमेलको संकेत देखिएपनि दुवै दलका जिम्मेवार नेताहरुले यसलाई नकार्दै आएका थिए । हेटौंडा उपमहानगरपालिकामा माओवादी केन्द्रले मेयरमा काँग्रेसका उम्मेदवार आनन्दराम पराजुलीलाई सहयोग गर्नेछ भने काँग्रेसले माओवादी केन्द्रका उपमेयरका उम्मेदवार बलराम बललाई सहयोग गर्नेछ ।</p><p>यस्तै थाहा नगरपालिकामा काँग्रेसले माओवादी केन्द्रका मेयर पदका उम्मेदवार लवशेर बिष्टलाई सहयोग गर्नेछ भने उपमेयरमा काँग्रेसका उम्मेदवार खड्ग गोपालीलाई सघाउनेछ । काँग्रेस र माओवादी केन्द्रले हेटौंडा उपमहानगर र थाहा नगरमा मेयर र उपमेयर पदमा मिलाएर एलायन्स गरेको हो । थाहा नगरपालिकामा वडा समेत यी दुई दलले बाँडफाँट गरेको जानकारीमा आएको छ ।</p><div><br></div>