कोरियाबाट नेपाल फर्कने लागेका एक युवाको निधन

<p><span style="line-height: 1.42857;">सोल ।</span><br></p><p>नेपाल फर्कने तयारीमा प्लेनको टिकट समेत लिइसकेका एक युवाको दक्षिण कोरियामा निधन भएको छ ।&nbsp;</p><p><br></p><p>पाँच बर्षदेखी कोरियामा काम गर्दै आएका करिव ३१ बर्षिय कल्याण राईको बिहिबार निधन भएको हो ।</p><p><br></p><p>खोटाङको चिप्लिङ घर भएका राई चार बर्ष १० महिनाको भीसा अवधि पूरा गरी आगामी बैशाख २९ गते स्वदेश फर्कने तयारीमा थिए ।</p><p><br></p><p>दक्षिण कोरियाको ख्वाङजिस्थित धागो कारखानामा काम गर्दै आएका राईको कम्पनीले उपलब्ध गराइएको कोठामै सुतेको अवस्थामा निधन भएको हो ।</p><p><br></p><p>राई ढिलोसम्म पनि नउठेपछि साथीले उठाउन जाँदा मृत अवस्थामा फेला पारिएको कम्पनीका नेपाली कामदारहरुले बताएका छन ।</p><p><br></p><p>सियोलस्थित नेपाली राजदूतावासमा राईको निधनका बारेमा अनौपचारिक जानकारी आएको कार्यवाहक राजदूत किरण शाक्यले जानकारी दिनुभयो । राईको शवलाई पोष्टमार्टमका लागि प्रहरीले अस्पतालमा पुरयाएको छ ।</p>