पढाई हुने समयमा भृकुटीमण्डपमा राजनीतिक कार्यक्रम गर्न नदिन सर्वोच्चको आदेश

<p><span style="line-height: 1.42857;">काठमाडौं ।</span><br></p><p>सर्वोच्च अदालतले प्रदर्शनी मार्गमा धेरै शिक्षण संस्थाहरु रहेको भन्दै सो क्षेत्रमा अध्ययन अवरोध हुनेगरि भृकुटीमण्डपमा राजनीतिक कार्यक्रम गर्न नदिन अन्तरिम आदेश दिएको छ ।</p><p><br></p><p>सर्वोच्चले राजनीतिक दल, तीनका भ्रातृ संगठनले सभा सम्मेलन लगायतका कार्यक्रम गर्दा ध्वनी प्रदुषण, ट्राफिक अस्तव्यस्त भई आवतजावत र पढाई प्रभावित भएको भन्दै यस्तो आदेश दिएको हो ।</p><p><br></p><p>नेपाल ल क्याम्पसका विद्यार्थीले सर्वोच्चमा दायर गरेको रिटमा सुनुवाई गर्दै सर्वोच्चले शिक्षण संस्थाहरु सञ्चालन अवधिमा राजनीतिक कार्यक्रम गर्न नदिन अन्तरिम आदेश दिएको हो ।</p><p><br></p><p>न्यायाधीश चोलेन्द्र शमशेर जबराको इजलासले प्रदर्शनीमार्गमा रहेका शिक्षण संस्था संचालन अवधिभर कुनै पनि दल, तीनका भ्रातृ संगठन, अन्य संघ संस्थालाई पठनपाठनमा अवरोध पुग्ने गरी कुनै कार्यक्रम गर्न नदिन अन्तरिम आदेश दिएको छ ।</p><p>साथै शिक्षण संस्था संचालन नभएको समयमा कार्यक्रम गर्दा समेत ध्वनी प्रदुषण हुने साधन प्रयोग गर्न नदिन भनेको छ ।</p>