वरिष्ठ उपाध्यक्षमा गोल्छा निर्वाचित: यस्तो छ गोल्छाको करिअर

<p>काठमाडौं,चैत ३० । &nbsp;निजी क्षेत्रको छाता संगठन नेपाल उद्योग वाणिज्य महासंघको वरिष्ठ उपाध्यक्षमा शेखर गोल्छा विजयी भएका छन् । महासंघको ५१औँ वार्षिक साधारणसभाले गोल्छालाई आगामी तीन वर्षका लागि वरिष्ठ उपाध्यक्षमा निर्वाचित गरेको हो । &nbsp;महासंघको संशोधित विधानअनुसार निर्वाचित वरिष्ठ उपाध्यक्षको कार्यकाल सकिएपछि स्वतः अध्यक्ष हुने प्रावधान रहेको छ । यसअनुसार भवानी राणाको कार्यकाल सकिएपछि अर्थात् आगामी तीन वर्षपछि गोल्छा महासंघको अध्यक्ष बन्नेछन् ।</p><p>महासंघको १८औँ कार्यसमितिका लागि मंगलबार भएको निर्वाचनमा गोल्छाले अर्का प्रत्याशी किशोर प्रधानलाई २६ दशमलव ७ प्रतिशत मतभार अन्तरले पराजित गरेका हुन् । गोल्छाले वस्तुगतबाट ४७, एसोसिएटबाट ५ सय ४ र जिल्ला तथा नगरतर्फबाट ६१ गरी कुल ६ सय १२ मत प्राप्त गरेका हुन् । यसको मतभार कुल ६३ दशमलव ३० प्रतिशत हुन आउँछ । उनका प्रत्याशी प्रधानले वस्तुगतबाट ५१, एसोसिएटबाट १ सय २३ र जिल्ला तथा नगरतर्फबाट ४२ गरी कुल २ सय १६ मत प्राप्त गरे । यसको कुल मतभार ३६ दशमलव ७० प्रतिशत हुन आउँछ । आजको नयाँ पत्रिकामा खबर छ ।<br></p><p>विजयी भएलगत्तै पत्रकारलाई प्रतिक्रिया दिँदै गोल्छाले मतदातालाई धन्यवाद दिए । उनले अबको महासंघ अध्यक्ष भवानी राणाको कार्यकाललाई सफल पार्ने बताए । महासंघको नयाँ कार्यसमितिका लागि गोल्छा र प्रधान प्यानलबीच प्रतिस्पर्धा भएको थियो । निर्वाचनमा वस्तुगतमा प्रधान प्यानलले र जिल्लानगर तथा एसोसिएटतर्फ गोल्छाको प्यानलले बढी मत पाएका थिए । साधारणसभाले एक वरिष्ठ उपाध्यक्ष, तीन उपाध्यक्ष र ६० सदस्यसहितको नयाँ कार्यकारिणी समिति निर्वाचित गरेको हो ।</p><p>जिल्ला-नगर उपाध्यक्षमा प्रमोद श्रेष्ठ<br></p><p>जिल्ला-नगर उपाध्यक्षमा प्रमोद श्रेष्ठ विजयी भएका छन् । प्रधान प्यानलका श्रेष्ठले उपाध्यक्षका प्रत्याशी दिनेश श्रेष्ठलाई सात मतले पराजित गरे । जिल्ला नगरतर्फबाट खसेको कुल १ सय ४ मतमध्ये विजयी श्रेष्ठले ५५ मत ल्याएका थिए । पराजित श्रेष्ठले ४८ मत ल्याए । एक मत भने बदर भएको थियो । विजयी श्रेष्ठ यअसघि महासंघको स्थानीय आर्थिक विकास समितिका सभापति थिए । उनको बैंक, आल्मुनियम, ग्रिल, जलविद्युत्, अस्पतालगायत क्षेत्रमा लगानी रहेको छ ।</p><p><br></p><p>वस्तुगत उपाध्यक्षमा उमेशलाल श्रेष्ठ</p><p>वस्तुगततर्फको उपाध्यक्षमा प्रत्याशी शंकरप्रसाद पाण्डे र अनुपबहादुर मल्ललाई पराजित गर्दै उमेशलाल श्रेष्ठ विजयी भएका छन् । गोल्छा प्यानलका श्रेष्ठ ४९ मत ल्याएर विजयी भएका हुन् । उनका प्रत्याशीहरू पाण्डे र मल्लले क्रमशः ३८ र ११ मत ल्याए । पाण्डे प्रधान प्यानलका र मल्ल स्वतन्त्र उम्मेदवार थिए । श्रेष्ठ नेपाल औषधि उत्पादक संघका पूर्वअध्यक्ष हुन् । यसअघि उनले महासंघमा उद्योग समितिको सभापतिको जिम्मेवारी निर्वाह गरेका थिए । उनी क्वेस्ट फर्मास्युटिकल्स प्रालिका सञ्चालक हुन् ।</p><p><br></p><p>एसोसिएटमा चन्द्र ढकाल निर्विरोध</p><p>महासंघको एसोसिएटतर्फको उपाध्यक्षमा चन्द्र ढकाल निर्विरोध निर्वाचित भएका छन् । एसोसिएटतर्फको उपाध्यक्षमा अरूको उम्मेदवारी नपरेपछि उनी निर्विरोध निर्वाचित भएका हुन् । यसअघि एसोसिएट उपाध्यक्षका आकांक्षी मानिएका उद्यमीहरू ज्ञानेन्द्रलाल प्रधान र सौरभ ज्योतिले ढकाललाई समर्थन गरेका थिए । एसोसिएट उपाध्यक्षमा निर्वाचत ढकाल यसअघि महासंघको विदेशी तथा एनआरएन लगानी प्रवद्र्धन समितिका सभापति थिए । उनी आइएमई ग्रुपका अध्यक्ष ढकालको रेमिट्यान्स, बैंक, जलविद्युत्, आइटी, केबलकारलगायत विभिन्न क्षेत्रमा लगानी रहेको छ ।</p><p><br></p><p>पदभार हस्तान्तरण बुधबार</p><p>निर्वाचित वरिष्ठ उपाध्यक्षसहितका पदाधिकारी तथा नयाँ कार्यकारिणी समितिले बुधबार पदभार ग्रहण गर्नेछन् । त्यस्तै, बुधबार नै अध्यक्ष पशुपति मुरारकाले वरिष्ठ उपाध्यक्ष भवानी राणालाई पदभार हस्तान्तरण गर्नेछन् । निर्वाचनसँगै सोमबारबाट सुरु भएको महासंघको ५१औँ साधारणसभा पनि सम्पन्न भएको छ ।</p><p><br></p><p><br></p><p><br></p><p>गोल्छाको करिअर</p><p>सफल उद्यमी शेखर गोल्छा यसअघि नेपाल उद्योग वाणिज्य महासंघको एसोसिएटतर्फका उपाध्यक्ष थिए । उनले त्यसअघि महासंघमा दुईपटक कार्यसमिति सदस्य भएर काम गरिसकेका छन् । कार्यसमिति सदस्य, उपाध्यक्ष तथा विभिन्न फोरमका सभापतिसमेत गरेर उनले महासंघमा झन्डै १० वर्ष बिताइसकेका छन् । औद्योगिक घराना गोल्छा अर्गनाइजेसनका पछिल्लो पुस्ताका गोल्छा स्मार्ट उद्यमीका रूपमा समेत परिचित छन् । गोल्छा अर्गनाइजेसनमा कार्यकारी निर्देशकका रूपमा उनले अटोमोबाइल, औषधि उद्योग, बैंक तथा बिमा, इलेक्ट्रोनिक्स, निर्यातलगायत विभिन्न क्षेत्रका व्यवसाय सञ्चालन गरिरहेका छन् ।</p><p><br></p><p>निर्वाचित सदस्यहरू</p><p><br></p><p>प्रदेश नं. १ : रोहितप्रसाद प्रसाई (१३मत)</p><p>प्रदेश नं. २ : गणेशप्रसाद लाठ (निर्विरोध)</p><p>प्रदेश नं. ३ : कमलकुमार श्रेष्ठ (निर्विरोध)</p><p>प्रदेश नं. ४ : निर्माणकुमार श्रेष्ठ (१०मत)</p><p>प्रदेश नं. ५ : भीमबहादुर थापा क्षेत्री (निर्विरोध)</p><p>प्रदेश नं. ६ : लंकमान श्रेष्ठ (६ मत)</p><p>प्रदेश नं. ७ : प्रकाशबहादुर राउत (निर्विरोध)</p><p>संस्थापक सदस्य सूमह : अविनाश बोहोरा (निर्विरोध)</p><p>द्विराष्ट्रिय उवासंघ सदस्य : अजय मुडभरी (निर्विरोध)</p><p><br></p><p>वस्तुगततर्फका निर्वाचित सदस्य र प्राप्त मतः&nbsp;</p><p>अञ्जन श्रेष्ठ (७३ मत)</p><p>सन्दिपकुमार अग्रवाल (७१)</p><p>प्रकाशसिंह कार्की (६१)</p><p>सुकुन्तलाल हिराचन (६१)</p><p>शिवप्रसाद घिमिरे (५९)</p><p>आकाश अधिकारी (५६)</p><p>ई. विनोद ढकाल (५५)</p><p>तिलचन्द्र भट्टराई (५३)</p><p>कमला श्रेष्ठ (५२)</p><p>जयप्रसाद शिवाकोटी (५१)</p><p>सुरेन्द्रकुमार श्रेष्ठ (५१)</p><p>हेमराज ढकाल (५१)</p><p>रविनकुमार श्रेष्ठ (५०)</p><p>सुनिलगोपाल श्रेष्ठ (५०)</p><p><br></p><p>निर्वाचित सदस्य (एसोसिएटतर्फ) र प्राप्त मत</p><p>ओमबहादुर राजभण्डारी (५९६)</p><p>ज्ञानेन्द्रलाल प्रधान (५८९)</p><p>अशोककुमार तोदी (५८६)</p><p>प्रबलजंग पाण्डे (५८६)</p><p>गोपाल खनाल (५८५)</p><p>सौरभ ज्योति (५८५)</p><p>भरतराज आचार्य (५८४)</p><p>विजयसिंह वैद्य (५८२)</p><p>मंगेशलाल श्रेष्ठ (५५९)</p><p>आनन्दकुमार अग्रवाल बगारिया (५५१)</p><p>साहिल अग्रवाल (५४८)</p><p>रञ्जितराज आचार्य (५४६)</p><p>सुनिलनारायण श्रेष्ठ (५४६)</p><p>अशोककुमार टेमानी (५४१)</p><p>राजेशकुमार अग्रवाल (५३६)</p><p>रामशरण थपलिया (५२९)</p><p>ज्योत्सना श्रेष्ठ (४९६)</p><p>कृष्णप्रसाद दुलाल (४६०)</p><p>मनीषकुमार अग्रवाल (४५८)</p><p><br></p><p>निर्वाचित सदस्य (जिल्ला नगरतर्फ) र प्राप्त मत</p><p>उमेश डालमिया (९०)</p><p>सुरकृष्ण वैद्य (८६)</p><p>राजन श्रेष्ठ (८२)</p><p>मनीषलाल प्रधान (८०)</p><p>कृष्णप्रसाद शर्मा (७८)</p><p>कृष्णप्रसाद श्रेष्ठ: नेपालगन्ज (७८)</p><p>दीपक लम्साल (७८)</p><p>कृष्णप्रसाद श्रेष्ठ : अर्घाखाँची (७५)</p><p>ध्रुवराज श्रेष्ठ भारी (७४)</p><p>राजेन्द्रकुमार श्रेष्ठ (७३)</p><p>दिलसुन्दर श्रेष्ठ (७२)</p><p>निरक केसी (७१)</p><p>किशोरकुमार आचार्य (६८)</p><p>सुरेन्द्रप्रसाद श्रेष्ठ (६८)</p><p>चन्द्रकान्त अधिकारी (६५)</p><p>राजकुमार न्यौपाने (६३)</p><p>कल्याण जोशी (६१)</p><p>देवकुमार श्रेष्ठ (५८)– आधा कार्यकाल</p><p>सुदर्शन कार्की (५८)– आधा कार्यकाल</p>