पाकिस्तानी पूर्व कर्णेल लुम्बिनीबाट बेपत्ता, भारतीय संलग्नताको आशंका

<p><span style="line-height: 1.42857;">काठमाडौं ।</span><br></p><p>पाकिस्तानी सेनाका पूर्व कर्णेल लुम्बिनीबाट बेपत्ता भएका छन् । योजनाबद्ध रुपमा कामको लागि भन्दै बोलाएर लुम्बिनीबाट उनलाई गायब पारिएको देखिएको पाकिस्तानी दुतावासले जनाएको छ ।</p><p>दुई वर्षअघि मात्र पाकिस्तानी सेनाबा सेवा निवृत्त लेफ्टिनेन्ट कर्णेल मोहम्मद हविद तीन दिनदेखि नेपालको लुम्बिनीबाट हराइरहेका छन् ।</p><p>शुक्रबार नै कर्णेल हविद हराएको बारे नेपाल सरकारलाई पाकिस्तानी दूतावासले जानकारी गराएपनि आइतबार साँझ सम्ममा कुनै जानकारी पत्ता नलागेको बताईएको छ ।</p><p>पाकिस्तानी पत्रिका डनले पाकिस्तानी अधिकारीहरुलाई उदृत गर्दै भारतीय सीमा जोडिएको क्षेत्रबाट उनि हराएको र शंकास्पद रुपमा जागिरको लागि भन्दै सो क्षेत्रमा बोलाएको आदि आधारमा यसमा भारतीय संलग्नता देखिएको आशंका गरेको छ ।</p><p>लुम्बिनी छेउछाउबाट हराइरहेको र त्यो स्थान भारतीय सीमासँग निकट रहेकाले यो योजनाबद्ध हुनसक्ने पाकिस्तानी पत्रिका डनले लेखेको छ ।</p><p><br></p><p>काठमाडौंस्थित नेपाली दूतावासका उपप्रमुख जावेद इब्रानीलाई उद्धृत गर्दै उनी हराएको विषयको जानकारी नेपाल सरकारलाई पत्र पठाइएपनि उनको खोजिबारे स्पष्ट जवाफ नदिइएको बताइएको छ ।</p><p><br></p><p>परराष्ट्र मन्त्रालय अन्तरगतको कन्सुलर विभागले उनी हराएको विषय सम्बन्धित निकायमा खवर गरेर खोजी कार्य र यथार्थ बुझ्ने काम गरिरहेको जानकारी मात्र दिएको तर खोजिको प्रगतिबारे जानकारी नदिएको पत्रिकाले बताएको छ ।</p><p>दूतावासले नेपाल सरकारलाई आफ्नो नागरिकको खोजि गरिदिन आग्रह गरिसकेको जनाएको छ ।</p><p>मार्क थम्सन नामको एनजिओमा जागिरको लागि अन्तर्वार्ता भन्दै नेपालमा बोलाएर लुम्बिनी पुर्याउनु, भारतीय सिमा नजिकबाट बेपत्ता हुनु उनलाई सम्पर्क गरेर देखाइको डोमेन भारतमा दर्ता हुनु आदि आधारमा यसमा भारतीय संलग्नताको आशंका देखिएको र पाकिस्तानले यसलाई गम्भीर र पूर्ण तयारीका साथ भएको घटनाका रुपमा लिएको बताइएको छ ।</p><p>बेपत्ता पाकिस्तानी जर्नेललाई बन्धक बनाइएको आशंका व्यक्त गर्दै पाकिस्तानी अधिकारीहरुले छिटो खोजिको पहल र पत्ता लगाउन सक्रियता देखाउन आग्रह गरेको छ ।</p><p>नेपालमा रहेका पाकिस्तान समर्थीत मुश्लिम अगुवा तथा पाकिस्तानी नागरिकमाथि समेत गोली प्रहार र हत्याका घटना हुँदै आएपनि यसका दोसीमाथि कारवाही र पत्ता लगाएर सत्यतथ्य बाहिर ल्याउने काम सरकारले गरेको पाइदैन ।</p><p>घटनामा भारतीय संलग्ता देखिएपछि घटना रहस्यमय भन्दै थप अनुसन्धान नगरि त्यसै थन्क्याउने गरेको महाराजगञ्ज स्थित पाकिस्तानी दुतावासका कर्मचारीमाथि गाडीमै गोली प्रहार सञ्चार उद्यमी जमिम शाह हत्या तथा मुश्लिम संगठनका अगुवाको महानगरिय प्रहरी कार्यालय अगाडीनै दिनदहाडै गोली हानी हत्या भएका घटनाहरुले देखाएको छ ।</p><p>यि कुनैपनि घटनाका मुख्य दोशीलाई सरकारले पक्रन सकेको छैन भने केन्द्रिय कारागार भित्र पुगेर गोली हान्दा समेत अभियुक्त पक्रिएर मुख्य दोसीको खोजि नगरि घटना रहस्यमय पारिंदै आएको छ ।</p><p><br></p>