किशोरी बसभित्रै बलात्कृत

ललितपुर ।ललितपुरको बालकुमारी बसपार्कमा मध्यरात एक किशोरीमाथि बसभित्रै बलात्कार भएको छ ।

ललितपुर प्रहरीका अुनसार १४ वर्षीय किशोरी मध्यरात बसभित्र बलात्कृत भएकी हुन् ।ललितपुर प्रहरी परिसर र अपराध महाशाखा ललितपुरको टोलीले ती किशोरीलाई बलात्कार गरेको आरोपमा सिन्धुपाल्चोक सिरुवारीका सागर नेपालीलाई पक्राउ गरेको छ ।घटनाबारे अनुसन्धान थालिएको भन्दै प्रहरीले नेपालीले आरोप स्विकार गरेको बताएको छ ।

गत चैत १८ गते साँझ दाईसँग झगडा गरी डेराबाट निस्कीएकी सप्तरीको कन्चनपुरकी ती युवतीलाई सागरले सोही दिन राती बालकुमारी बसपार्कमा रोकि राखेको बसभित्र बलात्कार गरेको खुल्न आएको छ ।राती साढे १२ बजे युवती बसभित्रबाट चिच्याएपछि सागर फरार भएका थिए । सागर बा १ ख ६९६६ नम्बरको उक्त बसको सहचालक हुन् ।

घर छाडी बाटोमा हिँडिरहेकी ती युवतीलाई साँझ आठ बजे बालकुमारीमा रोकेर सागरले आफुले घर पुग्ने बससम्म पुर्‍याईदिने भन्दै फकाएर बसमा लगेका थिए ।त्यसपछि उनले नजिकैको होटलमा खाना खुवाएर बसभित्र ल्याएका थिए । ललाई पखाई गरेर घर पुग्ने बसम्म पुर्‍याईदिन्छु भनेपछि ती युवतीले भने अनुसार गरेको तर मध्यरातमा जर्बजस्ती गरेपछि ती किशोरी चिच्याएपछि सागर भागेको प्रहरीले बताएको छ ।

घटना लगत्तै उनी भागेर सिन्धुपाल्चोकमा लुकेर बसेका थिए ।लगनखेल बस्दै आएका ३१ वर्षिय सागर अविवाहित हुन् ।

ती युवती बालकुमारीमा दाईसँग बस्दै आएको र दुई दिनअघि मात्र काठमाडौं आएको प्रहरीले जनाएको छ ।
प्रहरी बसको मालिकमार्फत सागरलाई पक्राउ गर्न सफल भएको बताएको छ । पिडित युवतीको मेडिकल रिपोर्ट आउन बाँकी रहेको भन्दै प्रहरीले अनुसन्धान र कारवाही प्रक्रिया अघि बढाइएको जानकारी दिएको छ ।

घटनापछि पिडित किशोरीको दाई भने फरार छन् । उनको पनि खोजि भईरहेको प्रहरीले जनाएको छ ।