16.65¡ÆC
पर्वत ।
पञ्चेवाजा संरक्षणका लागि जिल्लाका निर्वाचित सांसदले चासो देखाएका छन् ।
पर्वत जिल्ला साविकको निर्वाचन क्षेत्र नं. २ बाट निर्वा्चित सांसद विकास लम्सालले हालै एक समारोहका बीच नौमती र पञ्चेबाजा संरक्षणमा पहल गरेका हुन् ।
सांसद लम्सालले पञ्चेबाजा संरक्षणका लागी स्थानीय पञ्चेबाजा का ११ सदस्य समुहलाई पञ्चेबाजा तथा त्यसका लागि आवश्यक ड्रेस लगायतका सामाग्री हस्तान्तरण गरेका छन् ।
हस्तान्तरण गर्दै लम्सालले आफ्नो रितिरिवाज, संस्कृतिलाई जर्गेना गर्नु सबैको दायित्व भएको भन्दै बाजा बिना चाडपर्व शुभ कार्यहरु खल्लो हुने हुदाँ पर्वतमा लोपउन्मुख पञ्चेबाजा लाई संरक्षण गर्न आफुले पञ्चेबाजा र पोशाक हस्तान्तरण गरेको बताए ।
उनले दलितले मात्र बाजा बजाउने संस्कारको अन्त्य हुनुपर्ने भन्दै विभिन्न जातजाती र वर्गका व्यक्तिहरुले पनि बाजा बजाई व्यवसायी बन्नुपर्नेमा जोड दिए ।
दक्षिणी पर्वतको सरौँखोला लगायतका विभिन्न ५ ठाउँका पञ्चेबाजाको समुहलाई बाजा सामग्री तथा पोशाक हस्तान्तरण गरिसकेका सांसद लम्सालले क्षेत्र नं. २ मा रहेका १९ जोली बाजाहरुलाई संरक्षणको लागि अभियान नै चलाएको बताए ।
