दाहाल सरकारको सम्मान ! शहीदको शवराख्न फोहोर बोक्ने गाडी, सुरु भयो शहीदको शव यात्रा (भिडियो सहित)

कञ्चनपुर । नेपाल भारत सिमा लडाइका प्रथम शहीद गोविन्द गौतमको शव यात्रा सुरु भएको छ । कञ्चनपुर सिमामा बिहिबार भारतीय सिमा सुरक्षा फौजद्धारा हत्या गरिएका गौतमको स्थानीय दोदा नदीमा राष्ट्रिय सम्मानका साथ अन्त्येष्टि गरिंदै छ । गौतमको शव राखिएको सेती अञ्चल अस्पतालबाट शव यात्रा निकालिएको छ । फूलमाला र ब्यानरसहित गौतमको शवयात्रा सुरु भएको छ । अस्पतालबाट शव यात्रा गरेर गौतमको शव झण्डै ६ किलोमिटर टाढाको दोदा नदी किनारमा लगिनेछ ।

शहीद गौतमको अन्तेष्टिमा राष्ट्रिय सम्मान सहित ११ तोपको सलामी समेत दिइंदै छ । दोदा नदी किनारबाट ६/७ किलोमिटर टाढा गौतमको घर रहेको आनन्द बजारसम्म शव लैजाँदा स्थिति अनियन्त्रित हुनसक्ने भन्दै स्थानीय प्रशासनले दोदा नदी किनारमै अन्त्येष्टि गर्न परिवारसँग आग्रह गरेको हो । दशगजा क्षेत्रमा कलर्भट बनाउने विषयमा विवाद हुँदा भारतीय सीमा सुरक्षा बल एसएसवीले चलाएको गोली लागेर गौतमको ज्यान गएको थियो । शवयात्रा सुरुहुनुअघि गौतमको शब यात्राको लागि सरकारले कमजोर व्यवस्थापन गर्दै फोहोर बोक्ने गाडीमा शव राख्न खोज्दा युवाहरुले बिरोध गरेका थिए । शहीद गौतमको शबयात्राको लागि भनेर स्थानीय प्रशासनले नगरपालिकाको फोहोर बोक्ने गाडी पनि कुनै सिंगारपटार विना नै ल्याएको र तुल र ब्यानर विना आएको थियो ।