निषेधाज्ञा तोड्दै भारतीय ज्यादती बिरुद्ध कञ्चनपुर सिमामा नेपालीको व्यापक प्रदर्शन (भिडियो सहित)

<p>कञ्चनपुर, २८ फागुन, कञ्चनपुर ।</p><p>जिल्ला प्रशासन कार्यालय कञ्चनपुरले पुनर्वास नगरपालिका क्षेत्रमा निषेधज्ञा जारी गरेको छ ।</p><p>भारतीय सीमा सुरक्षा बल (एसएसबी)ले स्थानीय गोविन्द गौतमको हत्या गरेको विरोधमा शनिबार पनि विरोध प्रदर्शन जारी रहेपछि निषेधज्ञा जारी गरिएको हो ।</p><p>प्रमुख जिल्ला अधिकारी मनोहर प्रसाद खनालले अर्को आदेश नहुन्जेलसम्मका लागि पुनर्वास नगरपालिका क्षेत्रमा निषेधज्ञा जारी गरेको बताए । गत बिहीबार एसएसबीले गोली हानेर पुनर्वास नगरपालिका ८ का ३० वर्षीय गोविन्द गौतमको हत्या गरेको थियो ।</p><p>नेपाल, भारत सीमा क्षेत्रमा कल्भर्ट निर्माणको विषयमा विवाद भइरहेका बेला एसएसबीले गोली चलाएको थियो । सो घटना लगत्तै कञ्चनपुरको पुनर्वास सहित देशभर भारतविरुद्ध विरोध प्रदर्शन भएको छ ।</p><p>शनिबार पनि सु्दूर पश्चिमका प्रमुख नाका गड्डाचौकी, गौरीफन्टा सहित कञ्चनपुर, कैलालीका सीमा नाका बन्द गरिएको छ । स्थानीय स्वत: स्फूर्त विरोध प्रदर्शनमा उत्रिएका छन् । भन्सार नाकामा हुने दैनिक कारोवार प्रभावित बनेको छ ।</p><p>सरकारले गौतमलाई शहिद घोषणा गर्दै परिवारलाई १० लाख राहत दिने, परिवारको एक सदस्यलाई रोजगारीको व्यवस्था गर्ने र बालबच्चालाई नि:शुल्क उच्च शिक्षा सम्म पढाउने निर्णय गरेको छ ।</p><p>तर, पीडित परिवार र स्थानीयले शवको पोष्टमार्टम गर्न मानेका छैनन् ।</p><p><br></p>
<iframe src="https://www.youtube.com/embed/0zR__yPMPQo" allowfullscreen="" width="600" frameborder="0" height="400"></iframe>