एसएसबीको गोली लागि सहादत भएका गोविन्द गौतमलाई शहीद घोषणा गर्न माँग

<p>काठमाडौं, फागुन २६ । कन्चनपुरको पुनर्वास नगरपालिका वडा नं. ८ स्थित आनन्दब जारमा भारतीय सीमा सुरक्षा बलको फायरिङमा परी मृत्यु भएका गोविन्द गौतमलाई शहीद घोषणा गर्न चौतर्फी माँग उठेको छ । सीमा सुरक्षा बलको ज्यादती गर्दै देश र जनताका लागि राष्ट्रियताको रक्षार्थ गोली थापेका गौतमलाई शहीद घोषणा गर्नु पर्ने भन्दै राजधानीमा जुलुस निकालिएको छ । कन्चनपुरको क्षेत्र नं. १ की माओवादी नेतृ बीना मगरले पनि गौतमलाई शहीद घोषणा गर्न माँग गरेकी छिन् । राजधानीमा अखिल नेपाल ट्रेड यूनियन महासंघ, योङ्ग कम्युनिष्ट लिग, अखिल क्रान्तिकारी, अखिल छैठौं र अन्य कतिपय राजनीतिक गैर राजनीतिक संगठनहरुले भारतीय ज्यादतीको बिरोध गरेका छन् । कतिपय संगठनले गौतमलाई शहीद घोषणा गर्न माँग गरेका छन् ।</p><div><br></div>