मानव अधिकार आयोगको गाडी तोडफोड, मोर्चाले मारिएकालाई शहिद घोषणा र १० लाख मागे

<p>जनकपुर ।<br>तराई बन्द गराउँदै हिँडेका मधेसी मोर्चाका उग्र कार्यकर्ताले राष्ट्रिय मानव अधिकार आयोगको गाडी राजवीराजमा तोडफोड गरेका छन्।<br><br>आयोगको जनकपुर क्षेत्रीय कार्यालयको बा ७ च ७४७३ नम्बरको गाडीलाई जिल्ला अदालत अगाडि मोर्चाका कार्यकर्ताले तोडफोड गरेका हुन् ।<br><br>तोडफोडका क्रममा चालक काडमाडौं मनपा–८ मुलपानीका ४५ वर्षीय श्रीराम कार्की समेत घाइते भएका छन् ।<br><br>कर्फ्यु, संकटकाल, युद्धग्रस्त अवस्थामा समेत सञ्चालन हुन पाउने मानवअधिकारको गाडीलाई तोडफोड गर्ने उग्र मधेशी मोर्चाका कार्यकर्ताको हर्कत बढ्दा तराईमा थप हिंसा भड्कने भय बढेको छ ।<br><br>सप्तरिमा लाठी सहित प्रदर्शमा उत्रिएका प्रदर्शनकारी र प्रहरीको झडपका क्रममा हिजो तीन प्रदर्शनकारीको मृत्यु भएपछि मधेशी मोर्चाले आज देखी तराईका जिल्ला बन्दको घोषणा गरेको छ ।<br><br>मोर्चाका कार्यकर्ताले सदरमुकामसहित जिल्लाका विभिन्न बजार र चोकमा टायर बालेर प्रदर्शन गरेका छन् ।<br><br>बन्दले लामो तथा छोटो दुरीका यातायातका साधन, शिक्षण संस्था, बजार, उद्योग व्यवसाय पूर्ण रुपमा बन्द छन् । जसले गर्दा सयौं यात्रु अलपत्र परेका छन् भने विद्यार्थीहरु अध्यनबाट बञ्चिन हुनुका साथै हजारौं मजदुर रोजगारबाट बञ्चिन भएका छन् ।<br><br>लाठी सहित प्रदर्शनमा उत्रंदा मारिएका प्रदर्शनकारीलाई शहिद घोषणा र दशलाख क्षतिपुर्ती नदिएसम्म मृतकहरुको शव नउठाउने मोर्चा सप्तरीले जनाएको छ ।<br><br></p>