22.25¡ÆC
<p>सुर्खेत ।<br>कामदार वीच भएको आपसी विवाद मिलेपछि तीन देखि अवरुद्ध भेरी–बबई डाईभर्सन आयोजनाको निर्माण कार्य सुचारु भएको छ ।</p><p>आयोजना निर्माणमा खटिएका नेपाली र चीनियाँ कामदार वीच विवादपछि मारपिट हुँदा नेपाली कामदारले तीन देखि निर्माण कार्य अवरुद्ध गरेका थिए ।</p><p>आयोजनाले विहीबार दुबैपक्षलाई सम्झाई बुझाई गरी आईन्दा कुनै विवाद आए आयोजनासँग सिधै गुनासा सुन्ने शर्तमा विवाद मिलाईएपछि निर्माण कार्य सुचारु भएको सिनियर डिभिजनल ईन्जिनियर मनोज थापाले जानकारी दिनु भयो । उहाँले नेपाली मजदूरले राखेका १६ बुँदे माग सबै पुरा गरिएको बताउनु भयो ।</p><p>आयोजनामा नेपाली र चीनियाँ गरी करिब ३ सय मजदूर कार्यरत रहेका छन् । अहिले नेपालमै पहिलो पटक भेरी–बबई आयोजनामा टनेल बोरिङ मेसिन 'टिबिएम' मार्फत १ सय किलोमिटर लामो सुरुङ खनिएको छ । आयोजनाबाट बर्दिया र बाँकेका ६० हजार हेक्टर जमिनमा सिँचाइका साथै ४८ मेगावाट विद्युत् उत्पादन गर्ने लक्ष्य लिइएको छ ।</p><p>सरकारले आन्तरिक स्रोतबाट सुरुङ निर्माण गर्न लागेको यो नेपालकै पहिलो बहुउद्देश्यीय आयोजना हो । आयोजना सफल भएमा थप यस्तै प्रकृतिका ७ ओटा आयोजना बनाउने सरकारले घोषणा गरेको छ ।<br><br><br><br></p>
