जयबहादुर चन्दलाई आईजिपी बनाउने निर्णय रोक्न सर्वोच्चको अन्तरकालिन आदेश

<p>काठमाडौं ।<br>सर्वोच्च अदालतले काँग्रेस सभापती शेरबहादुर देउवाको निगाहमा वरियता मिचेर नेपाल प्रहरीको आइजिपी नियुक्त गरिएका जयबहादुर चन्दलाई सो पदमा नियुक्तीको निर्णय तत्काल रोक्न सरकारलाई आदेश दिएको छ ।<br><br>सर्वोच्चले नेपाल प्रहरीको प्रमुख बनाउने निर्णय कार्यान्वयन नगर्न अन्तरकालिन आदेश दिएको हो ।<br><br>सरकारले आइतबार विहान मात्र नेपाल प्रहरीको वरियताक्रममा तेस्रो नम्वरमा रहेका डीआईजी चन्दलाई प्रहरी महानिरीक्षक बनाउने निर्णय गरेको थियो ।<br><br>तर, त्यसको केही घन्टा लगतै प्रधानन्यायाधीश सुशीला कार्कीको एकल इजलासले चन्दलाई प्रहरी प्रमुख बनाउने निर्णय कार्यान्वयन नगर्न अन्तरकालिन आदेश दिएको छ । <br><br>साथै चन्दलाई प्रहरी प्रमुख बनाउने निर्णय र १३ जना डीआईजीको कार्यसम्पादन फाइल झिकाउन समेत आदेश दिएको छ ।<br><br>शुक्रबार अधिवक्ता कपिलदेव ढकालले चन्दलाई महानिरीक्षक नबनाउन सरकारलाई अादेश दिन माग गर्दै सर्वोच्चमा रिट दायर गरेका थिए।<br><br>&nbsp;रिटको सुनुवाई गर्दै प्रधानन्यायाधीश सुशीला कार्कीको एकल इजलासले निर्णय तत्काल कार्यान्वयन नगर्न अन्तरकालिन आदेश दिएको हो ।</p><p>सर्वोच्चले रिट निवेदक र सरकारलाई छलफलका लागि बोलाएको छ ।<br></p>