बल्ल भित्रियो नेपालको आफ्नै ग्याँस बुलेट

<p>काठमाडौं ।<br>नेपालले पहिलो पटक आफ्नै ग्याँस बुलेट भित्राएको छ । नेपाली नम्बर प्लेट सहितका ग्याँस बुलेट आज जेपाल भित्रिएका छन् ।<br><br>दुई तिहाइ छुट पाउने घोषणाअनुसार भारतमा तयार गरेर बुलेट नेपाल ल्याइएका छन् । नेपालमा बाँकी प्रक्रिया पुरा गरेपछि बुलेटहरु केहीदिनभित्रै ग्याँस लिन भारत जानेछ ।<br><br>भारतले भन्सार प्रक्रियाका नाममा करिव २ महिना नाकामा रोकेकोमा नेपाल तर्फवाट लगातार ताकेता गरेपछि आज नेपाल भित्रिएको हो ।<br><br>एलपी ग्यास उद्योग संघका अध्यक्ष शिवप्रसाद घिमिरेका अनुसार केही दिनभित्रै नेपाल आएका बुलेट सबै परिक्षण सकेर ग्याँस लिन नियमीत रुपमा भारत जानेछ ।<br><br>मसिर १७ गते वीरगन्ज नाकामा दुई नेपाली ग्यास बुलेट आइपुगेपनि भारतले रोकेकोमा आज दुई बुलेट नेपाल छिरेका हुन् ।<br><br>तत्काल ३ सय ५० ग्याँस बुलेट भारतमा बनिसकेको र नेपाल भित्रिंदै छ । भारतमा थप ४ सय २५ ग्याँस बुलेट बनाइराखिएको र ति पनि बनिसकेर तत्काल नेपाल ल्याउने ग्याँस विक्रेता महासंघले जनाएको छ ।<br><br>नेपल भित्रिएका ग्यासँ बुलेटको लागि प्रति बुलेट करिब ७० लाख रुपैयाँ लागेको छ । सन् २०१७&nbsp; नोभेम्वर सम्ममा सबै नेपाली बुलेट राखेर भारतीय बुलेट विस्थापन गर्ने सरकारी तयारी छ । हालसम्म सबै भारतीय बुलेटले ग्याँस भर्दै आएका छन् ।<br><br>५४ ग्याँस उद्योगले ७ सय ७५ बुलेटको लागि ५ खर्ब लगानी गरेको बताइएको छ ।<br><br>४० बर्षदेखी भारतीय कम्पनीका बुलेटले ग्याँस बोकेर अर्बौं रुपैयाँ लैजाँदै आएका थिए । अब नेपाली बुलेट प्रयोग भएपछि बर्षमा ३ अर्ब रुपैयाँ बिदेशीनबाट जोगिने छ ।<br><br>नेपाल भित्रिएका बुलेटहरु १८ मेट्रिक टन क्षमताका रहेको र अहिले भित्रिने क्रममा रहेका ग्याँस बुलेटले अबको १० वर्षसम्म मागअनुसार आपूर्ति धान्न सक्ने बताइएको छ ।</p><p>नेपाल आयल निगमले आपुर्तिका लागि अनुमति दिएर भारतीय डिपोमा पत्रलेखेपछि नेपाली बुलेटहरुले नियमीत ग्याँस आपुर्ति थाल्नेछन् ।<br></p>