उद्योग विभागको सेवा अनलाइन प्रणालीमार्फत सुरु

<p>काठमाडौं ।<br>उद्योग विभागबाट प्रदान गरिने सेवा आइबारदेखि अनलाइन प्रणालीमार्फत सुरु भएको छ ।</p><p>उद्योगमन्त्री नवीन्द्रराज जोशीले चिनियाँ व्यवसायी चुमी चीयाले अनलाइन प्रणालीमार्फत होटल सञ्चालनका लागि दिनुभएको आवेदनलाई स्वीकृत गरिएको प्रमाणपत्र प्रदान अनलाइन सेवा शुरु गर्नुभएको हो ।</p><p>उद्योग विभागले अनलाइन सेवाबाट मझौला तथा ठूला उद्योग सञ्चालनका लागि अनुमति दिने, विदेशी लगानीका लागि स्वीकृति प्रदान गर्ने, उद्योग दर्ता गर्ने तथा विदेशी लगानीकर्तालाई व्यावसायिक भिसा प्रदान गर्ने व्यवस्था मिलाइएको त्यस अवसरमा जानकारी दिइयो ।</p><p>त्यस अवसरमा उद्योगमन्त्री नबीन्द्रराज जोशीले उद्योग क्षेत्रको सुधारका लागि तयार गरिएको कार्ययोजना कार्यान्वयनको पहिलो खुड्किलोको रूपमा अनलाइन प्रणालीको शुभारम्भ भएको बताउनुभयो ।<br><br><br></p>