28.12¡ÆC
<p>काठमाडौं,माघ २ । नेपाली राष्ट्रिय टोलीका युवा स्ट्राइकर बिमल घर्ती मगर दुई महिने ‘ट्रायल’का लागि स्पेन जाँदै छन्। सोलिडारिटी कप जितेपछि राष्ट्रिय टिमको छुट्टीमा रहेका विमल सोमबार बेल्जियम उड्न लागेका हुन् । त्यहाँबाट स्पेन जानेछन् । एजेन्ट लुइसको पहलमा उनले स्पेनको एकेडेमी क्लब मार्वेला युनाइटेडमा ट्रायल दिनेछन् ।<br></p><p>यसअघि बिमलले नेदरल्याण्डसको क्लब एण्डरलेचमा पनि ट्रायल दिएका थिए। गत वर्ष बेल्जियमको क्लब ब्रुग केभीबाट व्यवसायिक फुटबल खेलेका थिए । स्पेनमा रहँदा बिमलले मार्बेला युनाइटेडमा करिब दुई महिना अभ्यास गर्ने छन्।<br></p><p>मार्बेला क्लब स्पेनको सेगुन्डा डिभिजनको ‘बी’ टिम हो। जुन स्पेनिस फुटबलको लिग सिस्टममा तेस्रो श्रेणीको मानिन्छ। यो डिभिजनका क्लबहरूलाई स्पेनको चर्चित ‘ला लिगा’ क्लबको ‘रिजर्भ टिम’ को रुपमा पनि लिने गरिन्छ।<br></p>
