जापानले थाल्यो २०२० ओलम्पिकको स्टेडियम निर्माणको काम

<p>जापान ।<br>जापानले सन २०२० मा .आयोजना गर्न लागेको टोकियो ओलम्पिक तथा पाराओलिम्पक खेलको लागि स्टेडियम निर्माणको काम सुरु गरेको छ ।<br><br>जापान खेल परिषदले स्टेडियमको निर्माणको लागि टोकियो महानगरीय सरकारसंग अनुमति लिएपछि यसको काम थालेको हो ।<br><br>जापान खेल परिषदले २०१९ नोभेम्बर सम्ममा सो संरचनाको पुर्ण निर्माण गरिसक्ने लक्ष्य राखेको बताएको छ ।<br><br>डिजाइनर केङ्गो कुमाले नयाँ ओलम्पिक स्टेडियमको निर्माण नक्शा तय गरेका छन् । गत बर्षको जुलाईमा जापान सरकारले स्टेडियम निर्माणको जिम्मा विभिन्न डिजाईनरहरुबाट छानेर कुमालाई दिएको हो ।</p><p>यो योजना अनुमानीत लागत भन्दा महङ्गो भएको भन्दै आलोचना भएपनि डिजाइन र निर्माणको गुणस्तर सहित प्रतिवद्धतालाई हेरेर सो कम्पनीलाई दिएको बताइएको छ ।<br><br>ओलम्पिक स्टेडियमको निर्माण कार्य विहीबारबाट सुचारु भएको छ । निर्माण कम्पनीले तोकिएको समय भन्दा अघिनै निर्माणकाम सम्पन्न गर्नेगरि कामलाई तिब्रता दिने बताएको छ ।<br></p>