‘डियर जिन्दगी’ बक्स अफिसमा आक्रामक,तीन दिनमा कमायो ६० करोड

<p>एजेन्सी – शुक्रबार सार्वजनिक भएको फिल्म ‘डियर जिन्दगी’ले भारतमा पाँच सय र एक हजारको नोटमा लागेको प्रतिबन्धका कारण डगमगाए पनि तीन दिनमा ६० करोड भारतिय रुपैया भन्दा माथिको शान्दार व्यापार गरेको छ । बलिउड बक्स अफिस एनालिस्ट तरण आदर्शले जनाए अनुसार चलचित्रले शुक्रबार, शनिवार र आइतबार गरेर भारतमा ३२ करोड पचास लाख भारुको व्यापार गरेको छ। यसै गरि चलचित्रले भारत बाहिर पनि निकै सफलता हात पारिसकेको छ।<br></p><p>भारत बाहेकाका अन्य देशबाट चलचित्रले २७ करोड ४५ लाख भारुको कमाई गरिसकेको छ। चलचित्र डियर जिन्दगीलाई गौरी शिन्देले निर्देशन गरेकी हुन्। गौरी सिन्देले पछिल्लो फिल्म ‘इङलिश विग्ङ्लिश’मा अङ्ग्रेजी भाषासँग जुधिरहेकी महिलाको संघर्ष उतारेकी थिइन्, जसले पछि भाषा सिकेर बेग्लै पहिचान बनाउन सफल हुन्छिन्। यो फिल्ममा पनि उनले आजका युवा पुस्ताको समस्यालाई फिल्मको विषय बनाएकी छिन्। यसका लागि उनले सिनेमेटाग्राफर कायराको भूमिकालाई माध्यम बनाएकी छिन्।<br></p><p>मध्यान्तरअघि परेसान, अधीर र अलमलमा परेकी पात्र कारियालाई देखेर दर्शक रिसाउन सक्छन्। उसलाई पागल या चरित्रहिन पनि भन्न सक्छन्। गौरीले शाहरुखको भूमिकाबाट ठाउँठाउँमा छोटा मीठा सन्देश दिएकी छिन्, जसले फिल्मको नाम जस्तै जिन्दगी प्यारो छ भन्ने कुरा उजागर गरिरहन्छन्। दर्शकलाई तारे जमिन परको समेत झलक दिने यो फिल्ममा गौरी निर्देशकीय पकड सबल छ। यही कारण कतिपय लामा दृश्य पनि स्वाभाविक लाग्छन्।<br></p><p>डाक्टरको किरदारमा शााहरुखको भूमिका सबल छ। आलियाले कुनै कुनै ठाउँमा ओभर एक्टिङको शिकार समेत भएको भान हुन्छ। तर बिस्तारै लाग्छ, उनले आफ्नो चरित्रलाई न्याय गरेकी छिन्।</p>