सोलिडारिटी कप: तीनै स्ट्राइकर चम्किएपछि नेपाल सेमिफाइनलमा

<p><span style="line-height: 1.42857143;">काठमाडौं,कात्तिक २३ ।<br>नेपाल &nbsp;मलेसियामा जारी एएफसी सोलिडारिटी फुटबलको सेमिफाइनलमा प्रवेश गरेको छ ।</span></p><p><span style="line-height: 1.42857143;">मलेसियाको कुचिङस्थित सारावाक रंगशालामा भएको समूह चरणको अन्तिम खेलमा ब्रुनाइलाई ३–० गोल अन्तरले पराजित गर्दै नेपाल समूह ‘ए’ को विजेता बन्दै सेमिफाइनल प्रवेश गरेको हो ।</span><br></p><p><span style="line-height: 1.42857143;">नेपालले पहिलो हाफको अतिरिक्त समयमा नवयुग श्रेष्ठको गोलबाट अग्रता लिएको थियो । उनको प्रहार ब्रुनईका किपरले रोकेको बल रिबाउन्स भएर आएको बेलमा उनले नै गोल गरेका हुन् ।</span></p><p><span style="line-height: 1.42857143;">दोस्रो हाफमा दुई गोल थप्न सफल भयो । ७१ औं मिनेटमा भरत खवासले उत्कृष्ट गोल गर्दै नेपालको अग्रता दोब्बर बनाएको थियो ।</span><br></p><p>खेलको ८० औं मिनेटमा नेपालले पेनाल्टी पायो, जसमा युवा स्ट्राइकर विमल घर्ती मगरले सहजै गोल गरे । पेनाल्टी प्रहारमा विमल घर्ती मगर चुकेनन् र नेपाललाई ३–० को जित दिलाए ।</p><p>यसअघि शनिवार भएको आफ्नो पहिलो खेलमा नेपाल टिमोर लेस्टेसँग गोलरहित बराबरी रोकिएको थियो। नेपाल दुई खेलबाट ४ अंकका साथ विजेता बन्दा दुई खेलमा एकमा जित एकमा हार व्यहोरेको ब्रुनाइ ३ अंक जोड्दै समूह उपविजेतामा चित्त बुझायो। यसअघि पहिलो खेलमा ब्रुनाइले टिमोर लेस्टेलाई ४–० ले पराजित गरेको थियो । <br></p><p>मलेसियाको कोचिङस्थित सरावाक रंगशालामा भएको खेलमा नेपालले १० वर्षअघि एएफसी च्यालेन्ज कपमा ब्रुनईबाट भोगेको पराजयको बदला पनि लियो। सन् २००६ मा बंगलादेशमा आयोजना भएको च्यालेन्ज कपमा नेपाल २–१ ले ब्रुनईसँग पराजित भएको थियो ।</p>