अरुण काबेलीको सेयरमा माग भन्दा ४२ गुणा बढी आवेदन

<p>१८ कार्तिक, काठमाडौं ।<br>अरुण काबेलीले हाइड्रोपावरले सर्वसाधारणका लागि खुलाएको सेयरमा मागभन्दा ४१.६६ गुणा बढी आवेदन परेको छ ।</p><p>कम्पनीले प्रतिकित्ता १०० रुपैयाँ अंकित दरका ३० लाख कित्ता अर्थात ३० करोड रुपैयाँ बराबरका साधारण सेयरका लागि माग आवेदन गरेको थियो तर, सो आइपीओमा १२ अर्ब ५० करोड रुपैयाँभन्दा बढी आवेदन परेको सेयर निष्काशन तथा बिक्री प्रवन्धक सिद्धार्थ क्यापिटलले जनाएको छ ।</p><p>सिद्धार्थ क्यापिटलका अनुसार कम्पनीको सेयरमा देशभरका संकलन केन्द्रबाट १ लाख ४५ हजार बढीको आवेदन दिएका छन् ।<br><br>कम्पनीले कात्तिक १२ गतेसम्म पाँचथर र ताप्लेजुङको सीमामा पर्ने कावेली खोलाबाट ४ अर्ब रुपैयाँ खर्च गरेर २५ मेगावाटको विद्युत आयोजनाका लागि आइपीओ निष्काशन गरेको थियो । कम्पनीको सेयरमा न्यूनतम ५० कित्तादेखि अधिकतम् १५ हजार कित्तासम्मका लागि आवेदन दिन पाउने व्यवस्था गरिएको थियो ।<br><br>कम्पनीले निष्काशन गरेमध्ये ३ प्रतिशत कर्मचारीका लागि र ५ प्रतिशत म्युचुअल फण्डहरुका लागि छुट्याइएको थियो । यसअघि कम्पनीले पाँचथर र ताप्लेजुङका आयोजना प्रभावित स्थानीय बासिन्दालाई १५ लाख कित्ता शेयर वितरण गरिसकेको छ ।<br></p>