‘लोकमानसिंह कार्कीको महाअभियोग हाम्रो चासोको बिषय होइन’-उपेन्द्र यादव

<p>९ कार्तिक, महेन्द्रनगर ।<br>सङ्घीय समाजवादी फोरम नेपालका अध्यक्ष उपेन्द्र यादवले अख्तियार दुरुपयोग अनुसन्धान आयोगका प्रमुख लोकमान सिंह कार्की विरुद्धको महाअभियोग प्रकरण आफ्नो चासोको बिषय नभएको बताएका छन् ।<br><br>यादवले लोकमानमाथि लगाइएको महाअभियोगका कारण अझै अस्पष्ट रहेको र दर्ता गराउने दलले त्यस विषयमा आफूहरुसँग कुनै छलफल नगरेकाले आफ्नो चासोको विषय नभएको बताएका हुन् ।<br><br>उनले महाअभियोग लगाउनेले नै कार्कीलाई नियुक्ति गरेका हुन्, आखिर अहिले महाअभियोग किन लगाउनुपर्यो त्यो कुरा स्पष्ट हुनुपर्यो भन्दै महाअभियोगलाई बहाना बनाएर संविधान संशोधन प्रक्रियामा बाधक बनाउने प्रयास भएको यादवको तर्क छ ।<br><br>अध्यक्ष यादवले स्वायत्त शासन प्रादेशिक संरचनासहितको स्रोत साधनमा समानुपातिक समावेशी ढङ्गबाट सहभागिता हुनेलगायतका संविधानमा भएको विभेद अन्त्य नभएसम्म आफूहरुलाई यो संविधान कुनै पनि हालतमा मान्य नहुने र आफूहरु अधिकारका लागि लडिरहने यादवको भनाई छ ।<br><br><br></p>