22.12¡ÆC
<p>४ कार्तिक, काठमाडौं ।<br>पाकिस्तानको इस्लामाबादमा जारी योनेक्स सनराइज पाकिस्तान इन्टरनेशनल ब्याडमिन्टन सिरिजको मिक्स डबल्समा नेपालका रत्नजित तामाङ र नङशलको जोडी बिहीबार फाइनलमा प्रवेश गरेको छ । <br><br>२७ मिनेट चलेको सेमिफाइनलमा दिदीभाइ रत्न र नङशलको जोडीले पाकिस्तानका रिज्वान अजाम र सरा मोहम्मदको जोडीलाई २१–१६ र २१–१२ को सोझो सेटमा पराजित गरे ।</p><p>फाइनलमा रत्न र नङशलको भेट पाकिस्तानका मोहम्मद इर्फान सइद भट्टी र मेहमोना अमिनसँग हुने नेपाल ब्याडमिन्टन संघका महासचिव वीरेन्द्र श्रेष्ठले जनाएकारी गराउनु भयो । फाइनल शुक्रबार हुनेछ ।</p><p>फाइनलमा स्थान पक्का गरेसँगै रत्न र नङशलले कम्तीमा रजत पदक सुरक्षित गरेका छन् ।<br><br><br></p>
