निर्वाचनको नजिक अमेरिकी राष्ट्रपति दावेदार ट्रम्पमाथि यौनहिंसाका आरोप

<p>२७ असोज, काठमाडौं ।<br>राष्ट्रपतिय निर्वाचन नजिकिंदै गइरहेका बेलामा अमेरिकाका राष्ट्रपति उम्मेदवार डोनाल्ड ट्रम्पमाथि दुई गम्भिर यौन हिंसाका आरोप लागेका छन् ।<br><br>रिपब्लिकन पार्टीका उम्मेद्वार ट्रम्पमाथि उडिरहेको विमान भित्रै र अर्को ट्रम्प टावरको लिफ्ट नजिक यौन हिंसा गरेको आरोप लगाइएको छ ।<br><br>ट्रम्पले महिला बारेमा छाडा शब्दहरु बोलेको भन्दै आरोप खेपिरहेका बेलामा ट्रम्पले त्यसबारेमा स्पष्टिकरणहरु दिइरहेकै बेलामा यि यौन हिंसाका आरापहरु सार्वजनिक भएका हुन् ।<br><br>लिड्स नामकी महिलाले उनि बिमानमा यात्रारत रहेको समयमा ट्रम्प सँगैको टिमा रहेको र उनले उक्त समयमा आफ्ना स्तन समानुका साथै बिमान भित्रै उनको स्कर्टमा हात हाल्ने कोसिस गरेको आरोप लगाउँदै उनी एक अक्टोपसजस्तै भएको आरोप लगाएकी छिन् ।<br><br>यस्तै अर्की एक महिलाले ट्रम्पले बिना अनुमति चुम्बन गरेको बताएकी छिन् । राहेल क्रुक्स नाम गरेकी महिलाले आफु उक्त समयमा मात्र २२ बर्षको रहेको भन्दै सन् २००५ को एउटा बिहानीमा बिल्डिङ्गको लिफ्ट बाहिर ट्रम्पले हात मिलाएपछि सीधै आफ्नो मुखमा चुमेको भन्दै, आफुमाथि यौन हिंसा गरेको बताएकी छिन् ।<br><br>यि घटनाहरुका बावजुद ट्रम्पका समर्थकहरुले भने निर्वाचनको समय नजिकिंदै गर्दा आएका यस्ता कुरा नियोजित र समय गुज्रेपछिका आरोप भन्दै यो राजनीतिक माहोल विगार्न गरिएको बताएका छन् ।<br><br>अमेरिकी राष्ट्रपतिय निर्वाचनमा ट्रम्प र हिलारी क्लिन्टन भिडिरहेका छन् । दुवै उम्मेदवारको पक्षमा स्पष्ट जनमत नदेखिरहेको बेलामा आएका यस्ता विषयहरुले उम्मेदवारको जनसमर्थनमा असर पार्नसक्ने बताइएको छ ।<br><br></p>