विश्वकप एशिया क्रिकेट छनौटमा नेपाल हङकङको सामना गर्दै

<p>काठमाडौं ।<br>नेपाली महिला राष्ट्रिय क्रिकेट टोलीले आई सी सी विश्व कप एशिया छनोट प्रतियोगिता अन्तर्गत आफ्नो चौथो खेल आयोजक हङकङ संग बिहिबार खेल्दै छ ।<br><br>प्रतियोगिता राउण्ड रोबिनको आधारमा गरिएकोले समूहका प्रत्यक राष्ट्रले सबै संग दुई दुई खेल खेल्ने छन् ।<br><br>नेपालको समूहमा आयोजक हङकङ, थाईल्याण्ड र चिन रहेका छन् ।<br><br>पहिलो खेलमा नेपाल हङकङ संग ६ विकेटले पराजित भएको थियो ।<br><br>यस समूहमा थाईल्याण्ड अहिले सम्मका सबै खेल जित्दै ६ अङ्कका साथ शिर्ष स्थानमा रहेको छ ।<br><br>दुई खेल जितेको हङकङको ४ अङ्क रहेको छ भने एक खेल जितेको नेपालको २ अङ्क रहेको छ ।<br><br>अहिले सम्मका तिन ओटै खेलमा पराजय भोगेको चिन भने अङ्क विहिन अवस्थामा रहेको छ ।<br><br>प्रतियोगितामा नेपालकी निर्मला शाहिले तिन ओटै खेलमा राम्रो प्रदर्षन गरेकी छिन् ।<br><br>चिन संगको तेस्रो खेलमा आएर सन् २००७ मा अन्तराष्ट्रिय खेलमा पहिलो पटक नेपालको प्रतिनिधित्व गरेकी नेरी थापा र सरिता मगरले पनि पुरानै लयमा आउँदै राम्रो प्रदर्शन गरेका थिए ।<br><br>मंगलबारको खेल पछि नेपालका प्रशिषक राजु बसन्यातले नेपालले एक सय रनको यागफल नाघ्न सके समूहका बाँकी सबै राष्ट्रलाई पराजित गर्न सक्ने विश्वास व्यक्त गर्नु भयो ।<br><br>नेपालले अब बिहिबार आयोजक हङकङ पछि शुक्रबार थाईल्याण्ड र शनिबार चिन संग पुन एक एक खेल खेल्ने छ ।<br></p>