कीर्तिपुरमा खसी कप फुटबल

<p><span style="line-height: 1.42857143;">काठमाडौं,असोज १८ &nbsp;। कीर्तिपुर–७, गाम्चामा अवस्थित भगवानस्थान युवा क्लवको आयोजनामा सञ्चालन भएको तेस्रो खसी कप सेभेन ए साइड फुटबल प्रतियोगिता अन्तर्गत आजबाट क्वाटरफाइनलका खेलहरु सञ्चालन हुने भएको छ ।&nbsp;</span><span style="line-height: 1.42857143;">क्लवकै आफ्नो फुटबल मैदानमा सञ्चालन भएको प्रतियोगितामा डेञ्जर म्यानसिटी, गोदाम टोल, भगवानस्थान युवा क्लव ‘ए’, सल्यानस्थान युवा क्लव, तामाङ ब्वाइज, बस्न्यात ब्वाइज, भगवानस्थान ‘बी’ र फ्युचर स्टार क्लव क्वाटरफाइनल पुग्न सफल भएका छन् ।</span></p><p><br></p><p>घटस्थापनाका दिनदेखि सुरु भएको प्रतियोगितामा १८ टोलीको सहभागिता रहेको थियो । आजबाट सुरु हुने क्वाटरफाइनल खेलमा आयोजक भगवानस्थान ‘ए’ले सल्यानस्थान क्लवसंग प्रतिस्पर्धा गर्ने छ भने तामाङ ब्वाइजले बस्न्यात ब्वाइजविरुद्ध अन्तिम चारमा स्थान बनाउन प्रतिस्पर्धा गर्नेछ । त्यसैगरी भगवानस्थान ‘बी’ ले फ्युचर स्टार र डेञ्जर म्यानसिटीले गोदाम टोलसंग प्रतिस्पर्धा गर्नेछन् ।</p><p>प्रतियोगिताका विजयी टोलीलाई खसी र उपविजेतालाई बोका पुरस्कार वितरण गरिने भगवानस्थान युवा क्लवका सुनिल बस्नेतले जानकारी दिए ।&nbsp;</p>