ताथली भयो गजलमय

<p>ताथली-भक्तपुर ।<br>भक्तपुरको पूर्वी भेगमा रहेको ताथली गजलमय बनेको छ । गजलको विकास र प्रवद्र्धन गर्ने उद्देश्यका साथ भएको गजल महोत्सवले ताथली गजलमय बनेको हो ।</p><p>ताथलीमा पनि साहित्यिक गतिविधि अघि बढाउने तथा स्रष्टाहरुको साझा मञ्च बनाउने उद्देश्यले&nbsp; गठन भएको ताथली साहित्य समाजको आयोजनामा भएको गजल महोत्सवमा ताथलीका मात्र नभएर भक्तपुर जिल्लाका स्थापित तथा नवोदित गजलकारहरुले गजल वाचन तथा गायन गरेका थिए ।</p><p>कार्यक्रममा वरिष्ठ गजलकार एवं भक्तपुरको गजल प्रणेता रोशनकुमार राजभण्डारीले ताथलीमा भएको गजल महोत्सवले सिंगो भक्तपुरलाई साहित्यको क्षेत्रमा सक्रिय हुन घच्घच्याएको बताउँदै गजल महोत्सवलाई निरन्तरता दिन अनुरोध गरेका थिए । विशेष अतिथिद्वय गजलकार रामबहादुर पहाडी र प्रा. डा. चुडामणि बन्धुले भक्तपुरको ताथलीका नवोदित गजलकार तथा स्रष्टाहरुको प्रयासका कारण ताथली गजल ग्राम बनेको बताउँदै गजलको क्षेत्रमा ताथलीले अग्रणी भूमिका खेल्ने बताएका थिए ।</p><p>विजया दशमीलाई थप सिर्जनशील बनाउन सहयोग पु¥याउने उद्देश्यका साथ भएको उक्त महोत्सवमा सहभागी गजलकारहरुले देशले अहिले भोगिरहेको विभिन्न समस्यालाई विषयवस्तु बनाएर गजल वाचन गरेका थिए । कार्यक्रममा सहभागी अतिथिहरुले आफ्नो गजल प्रस्तुत गर्दै व्यक्तिको सिर्जनशीलता र अभिव्यक्तिलाई अझ मजबुत बनाउन गजलले भुमिका खेल्ने गरेको बताएका थिए ।</p><p>सोही कार्यक्रममा अनाममण्डलीका विकास प्रहर, गजलकार प्रदिप मैनाली, स्रष्टा राजेन्द्र कोजू, सागर समीर,आरती ढकाल, सञ्जिता पन्थ,,दिलकुमार बाला, सिर्जना बस्नेत, अमृत थुयाजु, रमेश घिमिेर ‘कर्मशील मान्छे’, इच्छा इरानी, शितल मैनाली ‘दा¥ही भाइ’, आशिष तामाङ, प्रशान्त तामाङलगायतले समसामयिक विषयमा गजल वाचन गरेका थिए ।</p><p><img src="https://topnepalnews.comuploads/posts/4bf0a0bc113b4b0414e37d610339d59d1475559463.jpg" style="width: 647.526px; height: 364.233px;"><br>सोही अवसरमा गजल गायक राजसागरले पनि गजल प्रस्तुत गरेका थिए । आयोजक समाजका अध्यक्ष राष्ट्रपुकारको सभापतित्वमा सम्पन्न उक्त कार्यक्रम गजलकार खोजक हरिले सञ्चालन गरेका थिए ।<br></p>