17.44¡ÆC
काठमाडौं,चैत २२ । नेपाल बारको शनिबार सम्पन्न निर्वाचनमा अर्कैको नाममा फर्जी भोट हाल्न मतदान केन्द्र पुगेको आरोपसहित ती व्यक्तिमाथि कारबाहीको माग राखेर बार महासचिव सुनलिकुमार पोखरेलले आइतबार प्रहरीसमक्ष किटानी जाहेरी दिएका छन् ।
पुनरावेदन अदालत पाटन बार एकाइको नक्कली परचयपत्र बनाएर गुल्मी लिम्घा घर भई हाल काठमाडौं बस्ने सागर ज्ञवालीले सर्वोच्च अदातलको पछाडि रहेको सिंहदरबारतर्फको ३ नम्बर बुथमा फर्जी मत खसाउने प्रयास गरेको दाबी जाहेरीमा गरिएको आजको अन्नपूर्णमा समाचार छ ।
पाटन बारमावामपन्थी निकट प्रगतिशील समूहको वर्चस्व छ । बास्तविक मतदाता रहेका अधिवक्ता शैलेशकुमार अर्यालको कानुनव्यवसाइी प्रमाणपत्र बनाएर ज्ञवालीले मत खसाउने दुस्प्रयास गरेको भन्दै जाहेरीमा कारबाही माग गरिएको छ ।
