नेपाल वायुसेवा निगमले पोखरा, भैरहवा र सिमरा उडान थाल्यो

<p>काठमाडौं ।<br>नेपाल वायुसेवा निगमले बुधबारदेखि पोखरा, भैरहवा र सिमरामा पुनः उडान सुरु गरेको छ ।</p><p>दसैं, तिहारका अवसरमा यात्रुहरुको सुविधालाई लक्षित गरी निगमले पोखरा, भैरहवा र सिमरामा उडान शुरु गरेको निगमका प्रवक्ता रामहरि शर्माले जानकारी दिनुभयो ।</p><p>निगमले काठमाडौंबाट हरेक दिन बिहान ६ः३० बजे पोखरा, ८ः३० बजेट सिमरा र १०ः३० बजे भैरहवा उडान भर्ने तालिका रहेको छ । </p><p>हवाई भाडा काठमाडौं–पोखराको दुई हजार ५५०, काठमाडौं–भैरहवाको तीन हजार २५ र काठमाडौं–सिमराको दुई हजार २२५ रुपियाँ निर्धारण गरिएको निगमले जनाएको छ ।</p><p>निगमसँग आन्तरिक उडानका लागि चारवटा जहाज छन् ।<br><br><br><br></p>