अमेरिकाको न्यूयोर्कमा बिस्फोट हुँदा कम्तिमा २९ जना घाइते

<p>२ असोज, एजेन्सी ।<br>अमेरिकाको न्यूयोर्क सिटीमा बिस्फोट हुँदा कम्तिमा २९ जना घाइते भएका छन् ।<br><br>बिस्फोटमा परि कम्तिमा २९ जना घाइते भएको अमेरिकी अधिकारीहरुलाई उधृत गर्दै अलजजिरा अनलाईनले समाचार लेखेको छ ।<br><br>अमेरिकाको अग्नी विभागका अनुसार बिस्फोट न्यूर्योकको म्यानहटनमा भएको थियो ।<br><br>बिस्फोटको कारण अहिलेसम्म थाहा भएको छैन । विस्फोट आतंककारी समुहले गराएको ठानिएको छ ।<br><br>न्युजर्सीमा पाइप बम बिस्फोट भएको केही घण्टा भित्रै न्युर्योकमा विस्फोट भएको समाचारमा उल्लेख छ ।<br><br>घाइतेलाई अस्पताल लगिएको छ । डस्टबिनमा राखिएको बिस्फोटक पदार्थ विस्फोट भएको अनुमान गरिएको छ ।<br><br>विस्फोटको आवाज परसम्म सुनिएको थियो । विस्फोटमा परि कसैको मृत्यु नभएको र घाइते अधिकाशं खतरा मुक्त भएको बताइएको छ ।<br><br>अमेरिकी सुरक्षा अधिकारीहरुले विस्फोट भएको क्षेत्र वरपर कडा निगरानी र खोजतलास थालेको बताइएको छ ।<br></p>