19.29¡ÆC
<p>२६ भदौ, कुश्मा ।<br>पर्वतको बाजुङ–६ स्थित देशकै उत्कृष्ट पातिखोला रेन्बो ट्राउट फर्म बाढीले बगाएको छ । पाती खोलामा गएको बुधबार राति आएको बाढीले फर्म बगाएको हो ।<br><br>देशकै नमुना फर्म बगएपछि झण्डै एक करोड क्षति भएको छ । यो फर्म गएको बर्ष विश्व खाद्य दिवसका अवसरमा मत्स्यपालन तर्फ देशकै उत्कृष्ट फर्म घोषित भएको थियो । <br> <br>पर्वतको क्याङ्ग गाबिसबाट आएको पहिरो र खोलाको बाढी फर्ममा पसेपछि त्यहाँका सबै संरचना बगाएको छ ।</p><p>फर्म बगाउँदा २७ लाख भन्दा बढी पर्ने माछाका भुरा र तयारी माछा बगेका छन् । संरचना निर्माण गर्दा झण्डै ५० लाख रुपैया खर्च लागेको फर्मका अध्यक्ष यामप्रसाद शर्माले बताउनुभयो ।<br><br>फर्ममा बाढी पसेपछि झण्डै एक करोड क्षति भएको पनि उहाँले जानकारी दिनुभयो । फर्मलाई पुनर्निर्माण पुनः सञ्चालनमा ल्याउने अध्यक्ष शर्माले बताउनुभयो । <br></p>
