नेइमारले दिलाए ब्राजिललाई ओलम्पिक फुटवलको पहिलो स्वर्ण

<p>५ भदौ, एजेन्सी ।<br>ब्राजिलले कप्तान नेइमारले गोल मार्फत ओलम्पिक फुटबलमा पहिलो स्वर्ण पदक हात पारेको छ ।<br><br>घरेलु मैदानमा ४५ हजार घरेलु दर्शकलाई जितको खुशी दिलाउँदै ब्राजिलले जर्मनीलाई फाइनलमा पराजित गरेको हो ।<br><br>गत सिजनको विश्वकप फुटवलमा ब्राजिलको ऐतिहासिक मराकाना रंगशालामा नै जर्मनीसँग ७–१ गोलको नमिठो पराजय भोगेको ब्राजिलले सोही मैदानमा ओलम्पिकमा पराजित गरेर पराजयको बदला पनि लिएको छ ।<br><br>५ पल्ट विश्वकप जितेको ब्राजिलले अहिलेसम्म कुनै ओलम्पिक स्वर्ण जित्न सकेको थिएन ।<br><br>नेपाली समयअनुसार आइतबार बिहान ५ बजे नेइमारले अन्तिम पेनाल्टीबाट गोल गर्दै ब्राजिली समर्थकलाई ओलम्पिकको मिठो उपहार दिलाएका हुन् ।<br><img src="https://topnepalnews.comuploads/posts/928c81681fa5b37e5ec5c84c07564a831471746630.jpg" style="width: 801px; height: 381.349px;"><br>खेलमा निर्धारित समयको खेल १–१ गोलको बराबरी र अतिरिक्त ३० मिनेटमा पनि कुनै गोल हुन नसकेपछि खेल पेनाल्टीबाट निर्धारण भएको हो ।<br><br>पेनाल्टी सुट आटमा पहिलो चार गोल दुवै पक्षबाट भएपनि पाँचौ पेनाल्टी हान्न आएका जर्मनीका निल्स पिटर्सनको बल ब्राजिलका गोलरक्षक वेभर्टनले उत्कृष्ट बचाउ गरेपछि नेइमारको गोलले जित हार फैसला गर्यो ।<br>निर्णायक अन्तिम पेनाल्टी प्रहार गर्न आएका नेइमारले गोल गर्दै ब्राजिललाई ऐतिहासिक विजय दिलाउन सके ।<br><img src="https://topnepalnews.comuploads/posts/d7c0eb232888c69f05dcdaf3393890381471746652.jpg" style="width: 800px; height: 497.297px;"><br>स्मरणीय छ नेइमारले ओलम्पिकको तयारीकै लागि दुई महिनाअघि अमेरिकामा भएको कोपा अमेरिकापनि सहभागीता जनाएका थिएनन् । नेइमारले बार्सिलोना क्लबबाट समेत देशको लागि खेल्न छुट्टी लिएका थिए ।<br><br></p>