नेपाल कप फुटबल: एपिएफलाई पराजित गर्दै पुलिस फाईनलमा

<p><span style="line-height: 1.42857143;">काठमाडौं,साउन ३० । खेलको दोश्रो मिनटमानै दिनेश राजबंशीको एक मात्र गोलले पुलिस क्लबले सशस्त्र प्रहरीको एपिएफ क्लबलाई पाखा लगाउंदै आईतबार चौथो नेपाल कप फुटबलको फाईनल प्रवेश गरेको छ । उपाधीको लागि पुलिसले त्रिभुवन आर्मी क्लबसंग प्रतिस्पर्धा गर्नेछ । स्पोर्टस् फर अल नेपालको आयोजनामा आईतबार भएको निकैनै तनावपूर्ण खेलमा दुवै तर्फबाट गोलको लागि थुप्रै प्रयास खेर गएको थियो ।</span><br></p><p><span style="line-height: 1.42857143;">खेलको सुरुवातमै एक गोलले पछि परेको अवस्थाबाट फर्किन प्रयासमा रहेको एपिएफका आदित्य चौधरीले खेलको १३ औं मिनटमा हानेको फ्रि किक गोल पोसको बारमा लागेर बाहिरिएको थियो । यस्तै १६ औं मिनटमा प्रहरीका रवी पासवानले हानेको बललाई गोल रक्षक अमृत चौधरीले बचाउ गरेका थिए । चितवनको क्याम्पाचौरमा भएको प्रतिस्पर्धामा दोश्रो हाफको १२ औं मिनट एपिएफका रञ्जन बिष्टले गरेको हेड गोल पोस नजिकबाट बाहिरिएको थियो ।</span><br></p><p><span style="line-height: 1.42857143;">खेललाई बरावरीमा ल्याउन प्रयासरत रहेको एपिएफका लागि खेलको दोश्रो हाफको १८ औं मिनटमा अञ्जन बिष्टले पोस नजिकबाट गरेको प्रहार बाहिरिएको थियो । खेलको दोश्रो हाफको ४३ औं मिनटमा अञ्जन बिष्टले दुई पहेलो कार्ड पाए पछि रेफ्रि सुरज मानन्धरले रातो कार्ड दिएका थिए । त्यस पछि खेलको पुरै समय कतैबाट पनि गोल हुन नसके पछि राजबंशीको गोलनै निर्णायक भयो ।&nbsp;</span><br></p>