20.12¡ÆC
<p><span style="line-height: 1.42857143;">रियो, साउन २३ । ओलम्पिककी कान्छी खेलाडी गौरिका सिंह आफ्नो हिट्समा पहिलो भएकी छन्। १३ वर्ष २ सय ५५ दिनमा ओलम्पिक खेल्न लागेकी गौरिकाले आइतबार राति भएको खेलमा आफ्नी प्रतिद्धन्द्धी कोसोभोकी रिता जेकिरी र सामाओकी इभिलिना अफोआलाई पछाडि पारेकी हुन् । उनले नेपाली समयअनुसार ९ बजेर ४७ मिनेटमा सय मिटर ब्याकस्ट्रोकतर्फ प्रतिस्पर्धा गरेकी थिईन् । रियो ओलम्पिककी सवैभन्दा कान्छी खेलाडी गौरिकाले सय मिटर ब्याकस्ट्रोक १ मिनेट ८ दशमलव ४५ मिनेटमा पुरा गरिन्। उनी आफ्नो राष्ट्रिय कीर्तिमान तोड्न भने १ दशमलव १४ सेकेन्डले चुकिन्। ६ महिनाअघि भारतको पूर्वोत्तर राज्य गुवाहाटीमा भएको १२ औं दक्षिण एसियाली खेलकुद (साग) मा उनले १ मिनेट ०७ दशमलव ३१ सेकेन्डको राष्ट्रिय कीर्तिमान कायम गरेकी थिइन्। </span><br></p><p> </p><p>हिट्समा उनले सामाओकी इभिलिनालाई ० दशमलव २९ सेकेन्डले पछि पारेकी थिइन्। इभिलिनाले १ मिनेट ०८ दशमलव ७४ सकेन्डमा दुरी पुरा गरेकी थिइन्। पहिलो पल्ट ओलम्पिक खेलिरहेको कोसोभोकी २० वर्षीय जेकिरीले १ मिनेट १२ दशमलव ३१ सेकेन्डमा दुरी पुरा गरेकी थिइन्। </p><p>सय मिटर ब्याकस्ट्रोकमा स्वर्णंका लागि ३४ खेलाडीले भाग लिदैछन्। अघिल्लो चरण प्रवेशका लागि गौरिकाले अन्य खेलाडीको प्रदर्शनमा भर पर्नु पर्नेछ। राम्रो समयमा पौडिने १६ खेलाडीले सेमिफाइनलमा स्थान पाउने छन्।</p>
