14.12¡ÆC
नुवाकोट । तारकेश्वर गाउँपालिकाले महिलाहरुको प्रजनन स्वास्थ्यसम्बन्धी ३ दिने निःशुल्कस्वास्थ्य परीक्षण शिविर सुरु भएको छ ।
गाउँपालिकाको आधारभूत स्वास्थ्य तथा सरसफाइ शाखाको आयोजना र मोरिस्टोप लेडिजकोप्राविधिक सहयोगमा यही वैशाख २३ गते वडा नं ६ को आधारभूत स्वास्थ्य सेवा केन्द्र, मजुवामा रआज वैशाख २४ गते वडा नं ५ को गोर्स्याङ स्वास्थ्य चौकीमा स्वास्थ्य परीक्षण शिविर सम्पन्न भएको हो ।
योसँगै, मंगलबार (हिजो)देखि नै सुरु भएको ५ दिने परिवार नियोजन शिविर पनि वडा नं ६ र ५ मासम्पन्न भएको छ ।
स्वास्थ्य परीक्षण शिविरमा ३० वर्षमाथिका महिलाहरूले पाठेघरको क्यान्सर पत्ता लगाउन VIA जाँचसँगै प्रजनन स्वास्थ्य परीक्षण र औषधी वितरण, आङ खस्ने ससस्या भएका महिलाको रिङराख्ने उपचार र मेडिकल गर्भपन सेवा उपलब्ध रहेको गाउँपालिका अध्यक्ष शिव अधिकारी(अविरल)ले जानकारी दिनुभयो ।
उहाँको अनुसार परिवार नियोजन शिविरमा लामो समयसम्म गर्भधारण गर्न नचाहने महिलाहरुलेलामो अवधिको अस्थायी गर्भनिरोधक साधन (आइयुसिडी/इम्प्लान्ट) राख्ने सेवा र सो सम्बन्धीपरामर्श सेवा उपलब्ध रहेको छ ।
गाउँपालिका अध्यक्ष शिव अधिकारी (अविरल)ले आज ( बुधबार) वडा नं ५ मा सञ्चालन भएकादुवै शिविरको निरीक्षण गर्नुभयो ।
अध्यक्ष अधिकारीले यसअघि नै सम्पूर्ण तारकेश्वरवासी महिलाले शिविरमा सहभागी भई भरपूरलाभ लिनुहुन र प्रजनन स्वास्थ्यबारे सधैं सचेत रहन आग्रह गर्नुभएको थियो ।
कोही पनि नछुट्ने गरी सूचना प्रवाह गर्न र आवश्यक सहजीकरण गर्न सबै वडाका जनप्रतिनिधिलगायत सम्बद्ध सबैमा अध्यक्ष अधिकारीले आग्रह गर्नुभएको हो ।
बाँकी रहेका शिविरको तालिकाः
वैशाख २५ गते बिहीबार – दाङसिङ स्वास्थ्य चौकी, वडा नं. १, दाङसिङ (स्वास्थ्य परीक्षण शिविरर परिवार नियोजन शिविर)
वैशाख २६ गते शुक्रबार – बुधसिंह स्वास्थ्य चौकी, वडा नं. ४, बुधसिंह (परिवार नियोजन शिविर)
वैशाख २७ गते शनिबार – तारुका स्वास्थ्य चौकी, वडा नं. ३, जोरचौतारा (परिवार नियोजनशिविर)
