प्रचण्डले धोका दिएपनी सरकार ढाल्न नदिने एमाले र बाँकी सत्ताघटकको निर्णय (विज्ञप्ति सहित)

<p>२८ असार, काठमाडौं ।<br>प्रचण्ड नेतृत्वको नेकपा माओवादी केन्द्रले ओली सरकारलाई दिएको समर्थन फिर्ता लिएपनि सरकारमा रहेका बाँकी दलहरुले ओलीको साथ नछोड्ने निर्णय गरेका छन् ।<br><br>प्रचण्डले ओली सरकारलाई धोका दिएको निष्कर्ष निकाल्दै सत्ता घटक दलहरुको बैठक र एमालेको छुट्टै बैठकले सरकारको संवैधानिक बचाउ गर्ने निर्णय गरेको हो ।<br><br><b><i>यस्तो छ सत्तारुद्ध दल र नेकपा एमालेको बैठकपछि जारी छुट्टा छुट्टै विज्ञप्ति<br></i>सत्तारुढ दलको बैठक</b></p><p>सरकारले नेकपा माओवादी केन्द्र सरकारबाट बाहिरिपछी उत्पन्न परिस्थितीको दृढता पूर्वक सामना गर्ने निर्णय गरेको छ ।</p><p>वर्तमान&nbsp; सरकारबाट बाहिरिने माओवादी निर्णयपछीको परिस्तथित र अवको रणनीतिका बिषयमा छलफल गर्न माओवादी वाहेकको सत्तारुढ दलको साँझ प्रधानमन्त्री निवास वालुवाटारमा वसेको बैठकले प्रधानमन्त्रीले राजिनामा नदिने र सवै परिस्थितीको प्रजातान्त्रिक रुपमा दृढता पूर्वक सामना गर्ने निर्णय गरेको उपप्रधानमन्त्री सि पी मैनालीले जानकारी दिनुभयो ।</p><p>सविधानको कार्यान्वयन, राष्ट्रहित र स्वाभिमानका लागि काम भै रहेको परिस्थितीमा माओवादी केन्द्र सरकारबाट बाहिरिनुले देशमा अस्थिरता चाहने तत्वलाई वल पुर्याउने ठहर बैठकले गरेको उपप्रधानमन्त्री मैनालीले जानकारी दिनुभयो ।</p><p>…………..</p><p>मितिः २०७३/०३/२८<br>प्रेश वक्तव्य<br><br>नेकपा एमाले स्थायी कमिटिको ४० औं&nbsp; विशेष बैठक अध्यक्ष कमरेड केपी शर्मा ओलीको अध्यक्षतामा प्रधानमन्त्री निवास, बालुवाटारमा बस्यो । बैठकले देहायको विशेष निर्णय गरेको छ ।</p><p>प्रधानमन्त्री केपी शर्मा ओलीको नेतृत्वमा गठित वर्तमान सरकारलाई दिएको समर्थन फिर्ता लिई आफ्नो पार्टीका मन्त्रीहरुलाई फिर्ता बोलाउने नेकपा (माओवादी–केन्द्र) को निर्णय देशका लागि दुर्भाग्यपूर्ण छ ।</p><p>वर्तमान सरकार अत्यन्त प्रतिकूल परिस्थितिमा गठन भएको र मुुलुकका सामु उत्पन्न अनेकौं चुनौतीहरुको सफलतापूर्वक सामना गर्दै राजनीतिक स्थायित्व कायम गर्ने दिशामा दूरगामी महत्वका निर्णयहरु गर्दै अगाडि बढिरहेको यथार्थ सर्वविधितै छ ।</p><p>सरकारले संविधान कार्यान्वयन, भूकम्पपछिको पुनर्निर्माण र आर्थिक समृद्धिको आधारशीला निर्माण गरिरहेको अवस्थामा नेकपा (माओवादी केन्द्रको यस निर्णयले राजनीतिक अस्थिरता उत्पन्न गर्ने र संविधान कार्यान्वयनमा गंभीर प्रतिकूलता उत्पन्न गर्ने जोखिम पैदा गरेको छ ।</p><p>वर्तमान सरकार बनेयता सुदृढ बनिरहेको राष्ट्रिय स्वाधिनता, स्वाभीमान, राष्ट्रिय हितको रक्षा,आत्मनिर्भरता, सार्वभौमिक समानतामाथि आधारित नयाँ अन्तराष्ट्रिय सम्बन्ध र प्रधानमन्त्रीको मित्र राष्ट्र भारत र चिनको भ्रमणका क्रममा भएका महत्वपूर्ण उपलब्धिलाई समेत यस्तो अस्थिरताले आँच पुर्याउन सक्ने संभावनाप्रति पार्टी गंभीर बनेको छ ।</p><p>नेकपा (एमाले) जस्तो सुकै प्रतिकूल परिस्थितिमा पनि संविधानको रक्षा र कार्यान्वयन, राष्ट्रिय हितको संरक्षण र यसबीचमा सरकारबाट अगाडि बढाइएका अग्रगामी र जनपक्षीय सामाजिक आर्थिक कार्यक्रमहरुको पक्षमा दृढतापूर्वक अगाडि बढ्नेछ । राजनीतिक अस्थिरताको घडीमा राजनीतिक विकृतिले प्रश्रय नपाउन् र आधारभूत राष्ट्रिय हितमा आँच पुर्याउने कुनै पनि काम कार्बाही हुन नपाउन् भन्ने कुरामा सजग रहन र संविधान, राष्ट्रिय हित र एकताको पक्षमा एकतावद्ध भएर अगाडि बढ्न सबै प्रगतिशील र देशभक्त शक्तिहरुलाई नेकपा (एमाले) आह्वान गर्दछ ।</p><p>नेकपा (एमाले) उत्पन्न राजनीतिक समस्याको संंविधानसम्मत समाधानको दिशामा दृढतापूर्वक अगाडि बढ्नेजानकारी गराउदछौं ।<br><br>ईश्वर पोखरेल<br>महासचिव<br><br><br></p>