26.09¡ÆC
काठमाडौँ । नेपालमा हरित अर्थात् ग्रीन हाइड्रोजन उत्पादन र प्रयोग गर्ने बाटो खुलेको छ । मन्त्रिपरिषद् बैठकले ग्रीन हाइड्रोजन उत्पादन र प्रयोग गर्न पाउने नीति पारित गरेको हो ।
विश्वमा आधुनिक हरित ऊर्जाको रुपमा विकास भइरहेको ‘ग्रीन हाइड्रोजन’ लाई नेपालमा पनि प्रयोगमा ल्याउने गरी २०७८ मंसिरदेखि नै यसको नीति बनाउने प्रक्रिया शुरु भएको थियो । भारतमा हाइड्रोजनबाट बस सञ्चालनका साथै खाना पकाउने इन्धनको रुपमा पनि हाइड्रोजन ऊर्जाको प्रयोग शुरु भइसकेको छ ।
नेपालमा पनि खाना पकाउन र गाडी चलाउनका लागि हाइड्रोजन ऊर्जा प्रयोगमा ल्याउन सकिने काठमाण्डौ विश्वविद्यालय अन्तर्गतको नेपाल हाइड्रोजन इनिसिएटिभ्सले जनाएको छ । यसको प्रयोग बढाउन सकेमा पेट्रोलियम पदार्थको आयात घट्ने र व्यापार घाटा पनि कम हुने विश्वास गरिएको छ । हाइड्रोजन ब्रह्माण्डमै सबैभन्दा प्रचुर मात्रामा पाइने रासायनिक तत्त्व हो ।
प्रचुर मात्रामा उपलब्ध भए पनि यो ग्यासकै रुपमा प्रयोग गर्न मिल्ने मात्रामा रहेको भने हुँदैन । यो पानीजस्तै मिश्रणको रुपमा रहेको हुन्छ । औद्योगिक विधिहरु प्रयोग गरेर हाइड्रोजन उत्पादन गर्नुपर्छ ।
