माओवादी केन्द्रको पोलिटब्युरो बैठक बस्दै

<p>२१ असार, काठमाडौं ।<br><br>नेकपा माओवादी केन्द्रले पार्टीको कार्यबिभाजन र नेताहरुको जिम्मेवारी बाँडफाँडमा छलफल गर्ने भएको छ । आज बस्ने पोलिटब्युरो बैठकमा महाधिवेसन केन्द्रित एजेण्डामा छलफल हुनेछ ।</p><p>दिउँसो पार्टी कार्यालय कोटेश्वर पेरिसडाँडामा बस्ने बैठकमा नेताहरुको कार्यविभाजन, महाधिवेसनको तयारी र सरकार गठनका विषयमा छलफल हुने नेताहरुले बताएका छन् ।</p><p>माओवादी केन्द्रका नेता जर्नादन शर्माले महाधिवेसनको तयारीमा बैठक बस्न लागेको तर समसामयीक विषयमा पनि छलफल हुने बताउनुभयो । सम्भव भएसम्म आजै महाधिवेसनको मिति तय गर्ने उहाँले बताउनुभयो ।</p><p>केन्द्रले माघसम्ममा महाधिवेसन गर्ने भनिएपनि एकिन मिति तय गरेको छैन । बैठकमा नेता बर्षमान पुन अनन्तको नेतृत्वको कार्यदलले तयार पारेको सांगठनिक संरचना सहितको प्रतिवेदनमा पनि छलफल हुनेछ ।<br><br></p>