आयल निगम १४ वर्षपछि ऋणमुक्त, बोनसको बाटो खुला

असार २७, २०७३ मा प्रकाशित
Published at 2016-07-11

469 views

काठमाडौं,असार २७ । पेट्रोलियम पदार्थ आयातमा एकाधिकारप्राप्त पूर्ण सरकारी स्वामित्वको संस्थान नेपाल आयल निगम १४ वर्षपछि बल्ल ऋणमुक्त भएको छ । निगमले आइतबार अर्थ मन्त्रालयलाई ८० करोड ऋण र ६१ करोड रुपैयाँ ब्याज भुक्तानी गरेसंगै ऋणमुक्त भएको हो । निगम ऋणमुक्त भएसंगै बोनस वितरणको बाटो खुला भएको छ । निगमले यसका लागि गत आर्थिक वर्ष नै ९० करोड र आव ०६५-६६ मा १८ करोड रुपैयाँ छुट्टाएको  थियो । 

 निगमका प्रवक्ता मुकुन्द घिमिरेले आइतबारदेखि निगमसंग कुनै ऋण नरहेको बताए । आर्थिक वर्ष ०७०-७१ सम्म लिइएको ३६ अर्ब ८६ करोड रुपैयाँ ऋण चुक्ता गरिएको घिमिरेले जानकारी दिए ।  यसैबीच, भारतमा भन्दा नेपालमा सस्तो भएपछि डिजेल खपत बढेको छ । मासिक ८५ हजार किलोलिटर डिजेल खपत हुँदै आएकोमा हाल बढेर एक लाख १० हजार किलोलिटर पुगेको छ ।कारोबार दैनिकमा समाचार छ । 

प्रतिक्रिया

सम्बन्धित खवर

ताजा समाचार

TopNepalNews copyright © 2021 News. All Rights Reserved. Website by Muncha Developers.