निर्वाचन आयोगले दलहरुसँग छलफल गर्दै

चैत्र २२, २०७८ मा प्रकाशित
Published at 2022-04-05

497 views

काठमाडौँ । आउँदो बैशाख ३० गते हुने स्थानीय तहको चुनाव बारे निर्वाचन आयोगले आज राजनीतिक दलहरुसँग छलफल गर्दै छ । बिहान साढे ११ बजे दलका प्रतिनिधिसँग छलफल गर्न लागेको आयोगले जनाएको छ ।

स्थानीय चुनावमा भाग लिने दललाई छलफलका लागि बोलाइएको आयोगका प्रवक्ता शालिग्राम शर्मा पौडेलले जानकारी दिनुभयो । छलफलमा चुनावको तयारी र आचारसंहिता बारे कुराकानी हुनेछ । आउँदो स्थानीय तहको चुनावमा सत्ता गठबन्धनले तालमेल गरेर अगाडि बढ्ने निर्णय गरेका छन् भने प्रमुख प्रतिपक्षी दल एमालेले पनि तालमेलको तयारी गरेको छ । एमालेले चुनावी तालमेलका लागि कमल थापा र राजेन्द्र लिङदेन नेतृत्वको दुवै राप्रपासँग संवाद अगाडि बढाएको छ । कतिपय वार्तामा अध्यक्ष केपी शर्मा ओली आफैँ सहभागी हुनुहुन्छ भने कतिपय वार्तामा उहाँले निकट नेतालाई खटाउनु भएको छ ।

स्थानीय चुनावमा एक्लै लड्ने केन्द्रीय नीति भए पनि एमाले केन्द्रीय कमिटी बैठकले जिल्लामा भने तालमेल गर्न सकिने स्पष्ट पारिसकेको छ । यसैबीच, स्थानीय तहको चुनावमा तालमेलमा जाने नीतिगत निर्णय लिएको पाँचदलीय गठबन्धनले आजदेखि तालमेलको मापदण्डबारे छलफल गर्दैछ ।

प्रतिक्रिया

सम्बन्धित खवर

TopNepalNews copyright ©2011 News. All Rights Reserved. Website by Muncha Developers.