काँग्रेसको नौटंकी ! भूकम्प पीडितका नाममा संसदमा राजनीति

<p>१४ असार, काठमाडौं ।<br>आफैं सरकारमा छँदा भूकम्प पीडितलाई चार पटक गरेर दुई लाख दिनुपर्ने हस्ताक्षर गरेको काँग्रेस अहिले एकैपटक दुई लाख दिन माग गरिरहेको छ ।<br><br>पहिलो सत्तामा थियो जनताको वेवास्ता गर्यो अहिले सत्ता बाहिर छ सत्ता हत्याउन नाटक गरिरहेको संसदमा । त्यो पनि जनताको करबाटै तलब र भत्ता खाएर संसद बैठक अवरुद्ध । <br><br>व्यवस्थापिका संसदको सोमबारको दोस्रो बैठक पनि काँग्रेसको यहि नाटकका कारण सूचना टास गरि स्थगति गरिएको छ&nbsp; ।<br><br>संसद सचिवालयले जारी गरेको सूचनामा विशेष कारणवस बैठक बस्न नसक्ने भएकाले भोली सम्मका लागि स्थगित गरिएको जनाइएको छ ।<br><br>व्यवस्थापिका संसदको बैठक मंगलबार दिउसो साडे तीन बजे बस्ने छ । <br><br>यसअघि सोमबारनै बसेको संसदको पहिलो बैठक प्रमुख प्रतिपक्षी दल नेपाली कांग्रेसले भूकम्प पिडितको समस्या समाधानका लागि आफुहरुले उठाएको माग सम्बोधन गर्न सरकारले गम्भिरता नदेखाएको भन्दै अबरुद्ध गरेको थियो ।<br><br>नेपाली कांग्रेसका नेता डा.प्रकासशरण महतले प्रमुख प्रतिपक्षीदल नेपाली कांग्रेसले उठाएका मागका विषयमा सरकारबाट सहमतिका लागि छलफलको पहल शुरु गरेको जानकारी सञ्चारकर्मीहरुलाई दिनु भयो ।<br><br>सांसद डा। महतले यस विषयमा छलफलका लागि प्रमुख प्रतिपक्षीदल नेपाली कांग्रेसका तर्फबाट नेताहरु कृष्णप्रसाद सिटौला, चिनकाजी श्रेष्ठ, तथा डा। प्रकासशरण महत र सरकारक तर्फबाट नेकपा एमालेका संसदीय दलका उपनेता सुभासचन्द्र नेम्वाङ, उपप्रधानमन्त्री एवं रक्षा मन्त्री भीम रावल र नेकपा माओवादी केन्द्रका नेता कृष्णबहादुर महरा रहेको एक कार्यदल गठन भएको जानकारी दिनुभयो । <br><br>कानुन, न्याय तथा संसदीय मामिला मन्त्री अग्नी प्रसाद खरेलले भूकम्प पिडितलाई एकमुष्ट रकम दिन कार्यविधि संसोधन नगरि अघि बढ्न नसकिने र त्यसका लागि केही दिन लाग्ने बताउनु भयो । <br><br>दलहरुका विचमा सहमतिका लागि भोली विहान ८ वजे कार्यदलको बैठक बस्ने पनि मन्त्री खरेलले सञ्चारकर्मीहरुलाई जानकारी दिनुभयो । <br><br>स्मरणीय छ यिनै डा प्रकाशशरण महतका सहोदर दाजु डा. रामशरण महतले आफैं अर्थमन्त्री हुँदा बिदेशी दातासँग भूकम्प पीडितलाई चार चरणमा २ लाख दिनुपर्ने लिखित सहमती गरेका थिए ।<br><br>यसैबिच नेपाली कांग्रेस संसदीय दलको बैठक दलका नेता एबं पार्टी सभापति शेरबहादुर देउबाको अध्यक्षतामा आज काठमाडौमा बसेको बैठकमा कांग्रेसले संसदमा शसक्त भुमिका निर्बाह गर्ने बिषयमा छलफल गरेको थियो । <br><br>बैठकमा नेता देउबाले सदन र समितिहरुका बैठकमा सक्रिय सहभागीता जनाउन निर्देशद दिदै भुकम्पपिडितहरुले तत्काल दुई लाख रुपैया अनुदान पाउनुपर्ने मागलाई सदनमा जोडदार रुपमा उठाईने बताउनु भएको थियो । <br><br><br></p>