साहित्यका एघार स्रष्टा सम्मानीत

<p>११ असार, काठमाडौं ।<br>साहित्यका कथा, कविता, निबन्ध, उपन्यास, नाटक विधा तथा कलाका क्षेत्रमा उल्लेखनीय योगदान दिएबापत आज विभिन्न स्रष्टालाई राजधानीमा सम्मान गरियो । <br><br>उपराष्ट्रपति नन्दबहादुर पुन र गृहमन्त्री शक्तिबहादुर बस्नेतले साहित्य विज्ञान प्रतिष्ठान नेपालद्वारा आयोजित कार्यक्रमा प्रा डा अभि सुवेदी, प्रा डा सञ्जीव उप्रेती, डा रामप्रसाद ज्ञवाली, डा नवराज लम्साल, प्रमोद खरेल, सीताराम कट्टेल र कुञ्जना घिमिरेलाई सम्मानपत्र प्रदान गर्नुभयो । <br><br>यसैगरी बालप्रतिभा नीतिका पौडेल, गरिमा गुरागाईँ, प्रीतिमा सापकोटा र सविन घिमिरेलाई पनि ‘बालतारा सम्मान’ प्रदान गरिएको थियो । <br><br><b>प्राध्यापक डाक्टर बासुदेव त्रीपाठी लिलाध्वज थापा साहित्य सम्मान २०६३ बाट पुरस्कृत तथा सम्मानित<br></b><br>नेपाली भाषा साहित्यको क्षेत्रमा योगदान गर्नुभएका प्राध्यापक डाक्टर बासुदेव त्रीपाठीलाई लिलाध्वज थापा साहित्य सम्मान २०६३ बाट पुरस्कृत तथा सम्मानित गरिएको छ । <br><br>लिलाध्वज थापा साहित्य प्रतिष्ठानले आज काठमाडौंमा गरेको कार्यक्रममा डा। त्रिपाठीलाई पच्चीस हजार रुपैयाँ सहित सम्मान गरेको हो । <br><br>त्यस अवसरमा नेपाल प्रज्ञाप्रतिष्ठानका कूलपति गंगाप्रसाद उप्रेतीले नेपाली भाषा, साहित्य, संस्कृतिको प्रवद्र्धन गर्न र संस्थागत विकास गर्न श्रष्टाहरुको महत्वपूर्ण योगदान रहेको बताउनु भयो । <br><br>कार्यक्रममा प्राडा बासुदेव त्रिपाठी, सुधा त्रिपाठी, ज्योती भण्डारी लगायतले स्वर्गिय लिलाध्वज थापाले नेपाली साहित्यको अधिबृद्धिमा पु¥याउनुभएको योगदानका बारेमा बोल्नु भएको थियो । <br><br>लिलाध्वज साहित्य प्रतिष्ठानका अध्यक्ष विनयध्वज थापाद्वारा लिखित कर्णालीको कुनोदेखि मानसरोवर सम्म नामक पुस्तकको कुलपति गंगाप्रसाद उप्रेतीले विमोचन गर्नुभएको थियो । <br><br></p>