कोलम्बियालाई पराजित गर्दै चिली कोपा अमेरिकाको फाइनलमा

<p><span style="line-height: 1.42857143;">एजेन्सी,असार ९ । कोलम्बियालाई पराजित गर्दै डिफेन्डिङ च्याम्पियन चिली कोपा अमेरिकाको फाइनलमा प्रवेश गरेको छ । बिहीबार बिहान अमेरिकाको सिकागोमा भएको दोस्रो सेमिफाइनल खेलमा कोलम्बियालाई २–० ले हराउँदै डिफेन्डिङ च्याम्पियन चिलीले अर्जेन्टिनासँगको भिडन्त पक्का गरेको हो । कोपा अमेरिका फुटबल प्रतियोगिताको उपाधिकालागि फेरि पनि डिफेन्डिङ च्याम्पियन चिली र अर्जेन्टिना भिड्ने भएका छन् ।</span><br></p><p><span style="line-height: 1.42857143;">स्टेडियम रहेको क्षेत्रमा चलेको ठूलो आँधीहुरीका कारण दोस्रो हाफको खेल तीन घन्टासम्म रोकिएको थियो । दोस्रो हाफमा पनि चिलीले पहिलो हाफकै नतिजालाई कायम राख्न सक्दा अर्जेन्टिनासँगको उपाधि भिडन्त पक्का गर्यो ।</span><br></p><p><span style="line-height: 1.42857143;">दोस्रो हाफको ५७ औं मिनेटमा कार्लोस सान्चेजले दोहोरो पहेँलो कार्ड खाँदै मैदान छाडेपछि १० खेलाडीमा सीमित कोलम्बिया झन दबाबमा परेको थियो । तनावपूर्ण खेलमा रेफ्री दुबै देशका नौ खेलाडीलाई पहेँलो कार्ड देखाएका थिए । घरेलु भूमिमै भएको अघिल्लो संस्करणको उपाधि चिलीले अर्जेन्टिनालाई हराउँदै उचालेको थियो । त्यसयता भएका भिडन्तमा भने अर्जेन्टिना विजयी हुँदै आएको छ । आइतबार अमेरिकाको न्यू जर्सीस्थित मेटलाइफ स्टेडियममा प्रतिस्पर्धा हुनेछ ।</span><br></p>