20.26¡ÆC
उदयपुर । उदयपुरको उदयपुरगढी गाउँपालिका – ७ अधेरी झरना नजिकै शनिबार दिउँसो रुखले किच्दा एकको मृत्यु भएको छ भने ३ जना घाइते भएका छन् ।
कटारी नगरपालिका–४ की ३८ वर्षीया निशा दनुवारको घटनास्थलमै मृत्यु भएको प्रहरी नायब उपरीक्षक वेदप्रसाद गौतमले बताए । रुखले किच्दा निशाका ४० वर्षीय श्रीमान श्याम दनुवार, अटो चालक कटारी नगरपालिका–५ का ४८ वर्षीय कुमार तामाङ र अर्की २७ वर्षीया मिना दनुवार घाइते भएको डीएसपी गौतमले बताए ।
घाइतेमध्ये अटो चालक तामाङ गम्भीर छन् । अन्यको अवस्था सामन्य रहेको प्रहरीले जनाएको छ । घाइतेको कटारी अस्पतालमा उपचार भइरहेको छ ।
एक्कासी रुख ढल्दा पार्किङ गरेर राखिएको प्र२–०१–००१ ह ०५६० नम्बरको अटो र स १० प ३२७२ नम्बरको मोटर साइकललाई र मृतक महिलालाई किचेको प्रहरीले जनाएको छ ।
मृतक दनुवार श्रीमानसहित अटो लिएर अधेरी झर्ना घुम्न आएका थिए ।
