माथिल्लो त्रिशूली थ्री ‘ए’ जलविद्युत आयोजना सम्मानित

<p>विदुर । रसुवामा बाँध र नुवाकोटमा उत्पादन गृह रहेको माथिल्लो त्रिशूली थ्री ए जलविद्युत आयोजनाको कार्यालय सम्मानित भएको छ । विभिन्न बाधा एंव अवरोध पार गर्दै विद्युत उत्पादन गर्न सफल भएको सुखद अवसरसगै नेपाल विद्युत प्राधिकरणको ३४औ बार्षिकोत्सव अवसरमा आयोजनाको कार्यालयलाई सम्मान गरिएको हो ।<br><br>प्राधिकरणको बार्षिकोत्सवको अवसरमा काठमाडौमा आयोजित विशेष कार्यक्रममा उर्जा, जलश्रोत तथा सिचाई मन्त्री, वर्षमान पुन अनन्त, मन्त्रालयको सचिव दिनेशकुमार घिमिरे र कार्यकारी निर्देशक कुलमान घिसिङले आयोजनामा आबद्ध सम्पूर्ण कर्मचारीहरुको तर्फबाट आयोजना प्रमुख फणिन्द्र जोशीलाई सम्मान गर्नुभएको हो । </p><p><img style="width: 960px;" src="https://topnepalnews.comuploads/posts/67942c3ceb70f8c12763cef209e0182f1566136479.jpg"></p><p><img style="width: 960px;" src="https://topnepalnews.comuploads/posts/e95a7127499a40d6ccf3ec41ca4a4c2b1566136488.jpg"><br><br>निकै महत्वपूर्ण मानिएको यस आयोजनाले विभिन्न प्राकृतिक प्रकोप अन्तरगत विनासकारी भूकम्प, भारतीय नाकाबन्दी, बार्खाको समयमा जाने बाढी पहिरो तथा क्षमता बृद्धि र विद्युत उत्पादन गृह भूमिगत बनाउने कि खुला भन्ने लगायतका विवादका बीच पनि थप अन्तरगतको तोकिएको समयमा कार्य सम्पन्न गर्न सफल भएको भन्दै नेपाल विद्युत प्राधिकरणले सम्मान गरेको हो । </p><p><img style="width: 960px;" src="https://topnepalnews.comuploads/posts/bf5cede255a95033f3a512dfc59363ab1566136498.jpg"><br><br>आयोजनाको उपप्रबन्धक ई.सत्यराम ज्वाख्वाको अनुसार ६० मेगावाट क्षमताको माथिल्लो त्रिशूली थ्री ए जलविद्युत आयोजनाले गत साउन १५ गतेदेखि अन्तिम परीक्षण उत्पादन तथा प्रशारण गरेर हाल नियमित सञ्चालनको क्रममा रहेको छ । <br><br>यो आयोजना हिउदयाममा समेत ४५ मेगावाटसम्म नै विद्युत उत्पादन गर्नसक्ने, निकै सस्तो लगातमा निर्माण सम्पन्न, उपत्यकाबाट नजिकको दुरीको आयोजना लगायतका कारण निकै आकर्षण मानिन्छ । <br><br><br></p>