धर्मको नाममा ठगीधन्दा : पं. उत्तम भट्टले यसरी ठगे नुवाकोटको एक महिलालाई (भिडियो सहित)

<p></p><p align="justify">नुवाकोट । धर्मको नाममा बालतपस्वी पण्डित उत्तम भट्टजी महाराजले ठगी धन्दा सञ्चालन गरेको रहस्य खुलेको छ।<br><br>विभिन्न स्थानमा बालतपस्वीको नाममा भागवत् वाचन गर्दै हिँड्ने धादिङका एक पण्डितले एक महिलाबाट ६० लाख रुपियाँ ठगी गरेको रहस्य खुलेको हो।<br><br>धादिङको ज्वालामुखी गाउँपालिका–४ ढोला स्थायी घर भएका उत्तम भट्टजी महाराज नाम गरेका उत्तम भट्टले नुवाकोट लिखु गाउँपालिका–५ घर भएकी होमकुमारी ओझाबाट ६० लाख रुपियाँभन्दा बढी ठगी गरेको खुलेको छ।<br><br>धर्मप्रति लगावका कारण १०८ ठाउँमा महायज्ञ लगाउने चाहना बोकेर हिँडेकी ओझाको त्यही क्रममा उत्तम भट्टसँग चिनजान हुन पुग्यो।<br><br>धादिङको परेवाटारमा धाम बनाउने उद्देश्यका साथ शुरू भएको महायज्ञमा लगानी गर्दै ओझाले घरखेतसमेत बन्दकी राखेर लगानी गरिन्। तर, धाम बनाउन कुनै ध्यान नै नदिएपछि निर्माण गर्नका लागि दबाब दिँदा आफूलाई निकालिएको उनको भनाई छ।<br><br>‘धाम बनाउने नाममा कमाइखाने भाँडो बनाइयो, पवित्र उद्देश्य राखी घरखेत नै बन्दकी राखेर पैसा लगानी गरें, तर धर्मको नाममा ठगीको व्यापार भएको थाहा पाएपछि मैले पैसा फिर्ता मागेकी हुँ,’ ओझाले भनिन्। यो खबर समाचारपत्र दैनिकमा मधुसूधन रायमाझीले लेखेका छन्।<br><br>२०७० सालमा गुरु भट्टराईले व्यक्तिगत प्रयोजनका लागि भन्दै १२ लाख रुपियाँ ऋण लिएका थिए। पटक–पटक पैसा माग्दा नदिएपछि २०७४ पुस ३० गते असार मसान्तभित्र पैसा दिने तमसुक गरेका थिए। तर, उक्त पैसा अझैसम्म नपाएको पीडित ओझाले बताइन्।<br><br>पैसा माग्दा उल्टै ज्यान मार्ने धम्की आएको आरोप लगाउँदै ओझाले न्यायका लागि प्रहरीमा उजुरी दिएकी छन्।</p><iframe src="https://www.youtube.com/embed/RluC6ORIup8" allow="autoplay; encrypted-media" allowfullscreen="" width="560" height="315" frameborder="0"></iframe>
<p></p><p><b>भिडियो दियो पोष्ट अनलाइन मार्फत लिइएको हो । </b><br><br></p>