21.12¡ÆC
<p><br></p><p>काठमाडौं । विश्वकप क्रिकेटको क्वालिफायरबाट एकदिवसिय मान्यता प्राप्त गर्न सफल नेपालले पहिलो एकदिवसिय खेल तथा सिरिज नेदरल्याण्ड्ससँग खेल्ने भएको छ । नेपालले साउन महिनाको १६ र १८ गते नेदरल्याण्ड्समै खेल्ने कुरा बुधबार जानकारी आएको छ । १३ साउनमा लर्डस् क्रिकेट ग्राउन्डमा नेदरल्याण्ड्स, नेपाल र मेरिलेबोन क्रिकेट क्लब (एमसीसी) बिच एकै दिन ३ खेल खेल्ने तालिका छ ।</p><p>सो प्रतियोगितामा सहभागि भएर नेपाली क्रिकेट टिम सिधै नेदरल्याण्ड्स जाने कार्यक्रम रहेको नेपाली क्रिकेट टिम व्यवस्थापनले दिएको छ । नेपालले २ वर्ष अघि विश्व क्रिकेट लिग खेल्ने क्रममा नेदरल्याण्ड्समा खेलेको थियो । जसमा नेपालले एक खेल जितेको थियो भने एकमा हार व्योहोर्नु परेको थियो ।</p><p>नेपालको पहिलो एकदिवसिय खेल आयोजना गर्न पाएकोमा खुशी हुँदै नेदरल्याण्ड्सको कोच रायन क्याम्पबेल भन्छन्, ‘नेपालको पहिलो एकदिवसिय खेलको लागि नेदरल्याण्ड्समा स्वागत गर्न पाउँदा हामी एकदम खुशी छौं । लर्डस्मा खेल्ने सौभाग्य पाए पश्चात नेदरल्याण्ड्सको जनताको लागि अब हामी क्रिकेटमा के गर्न सक्छौं भन्ने देखाउन चाहन्छौं ।’</p><p>उनि थप्छन्, ‘नेपाल एउटा रोचक टोली हो, सन्दीप लामिछाने विश्व स्तरीय भएको कुरा हामीले आईपिएलमा देख्यौं, यस्तो टोलीलाई स्वागत गर्न पाउनु हाम्रो लागि ठुलो अवसर हो । नेपालले हाम्रै देशमा पनि ठुलो संख्यामा दर्शक आकर्षित गर्ने गरेका छन्, म विस्वस्त छु, यो एउटा ठुलो अवसर हुनेछ ।’</p><p><br></p>
