दिपकको ‘मनमगन’ बजारमा

<p><span style="line-height: 1.42857;">दुई दशकअघि पपगायन र संगीत मार्फत उदाएका एक प्रतिभाशाली गायक दिपक बज्राचार्यले अनवरत आफ्ना गीतसंगीतले हरेक वर्ग र उमेरका दर्शक तथा श्रोताहरुलाई झुमाइरहेका छन् ।&nbsp;</span><br></p><p>यो दुई दशकमा समयले धेरै कोल्टे फेरी सकेको छ । यो अवधिमा प्रविधिले पनि समाजका हरेक वर्गमा आफ्नो जरो गाडिसकेको छ । प्राविधिक रुपमा अत्याधुनिक बन्दै गएको संसारको परिवर्तनसंगै पपगायनमा पनि आधुनिकताले राम्रै प्रभाव पारेको छ ।&nbsp;</p><p>गायक दिपक बज्राचार्य भने समयको बहावमा नबगेर पछिल्लो पटक ओझेलमा पर्न थालेको हाम्रो आफ्नै मौलिक पहिचान र मौलिक संगीततर्फ मोडिएका छन् । आफ्ना गीतहरुमा उनले परम्परागत बाजाहरुको उपयोग गरेर मौलिकपना पस्किन थालेको धेरै भैसकेको छ ।&nbsp;</p><p>गतबर्षको ‘सानी’ र ‘अल्लारे’ त्यसकै पछिल्लो श्रृंखला हो भने मनमगन त्यसकै सबैभन्दा ताजा उदाहरण हो । यसका सर्जक गायक दिपक बज्राचार्यको शब्दमा मनमगन मात्र एउटा गीत होइन, यो एउटा संस्कृति हो ।</p><p>&nbsp; &nbsp; &nbsp; &nbsp;</p><p>अहिले गीतलाई सुनेर मात्र होइन, हेरेर पनि मनोरन्जन लिने बेला हो । वास्तवमा गीतसंगीतले नाचगानलाई पनि परिभाषित गर्छ । गीतसंगीतको धुनमा आनन्द लिन त सकिन्छ नै, तर गीतसंगीत बजाएर नाच्नु पनि हाम्रो संस्कृतिको एउटा भाग हो ।&nbsp;</p><p>देशभरी हुने विभिन्न जात्रा तथा पर्वहरुमा बजाइने बाजा र नाच परम्परागत हुन्, जसले हाम्रो सांस्कृतिक पहिचान बोकेको छ । दिपकले त्यसैलाई मनन गरेर एउटा कमर्सियल धुन बनाउने जमर्को गरे, जसमा नेपालको परम्परागत बाजाको ताल र धुन समेटियोस् ।</p><p>
<iframe width="560" height="315" src="https://www.youtube-nocookie.com/embed/A0GOxBvHNNg" frameborder="0" allow="autoplay; encrypted-media" allowfullscreen=""></iframe>
</p><p>

गीतको सिर्जनामा उनले नेपाली बाजाको प्रयोगलाई प्राथमिकता दिए, जसमा दिपकको आफ्नो पहिचान हुनैपथ्र्यो, झुमाउने र नचाउने ।</p><p>&nbsp; &nbsp; &nbsp; &nbsp;अन्ततः रिकी शाक्यसंग मिलेर दिपकले एउटा धुन तयार पारे, जसमा उल्लासपूर्ण शब्द भर्ने काम रिकीले नै गरे । धिमे बाजाको ताललाई पृष्ठभूमीमा राखेर अरु परम्परागत बाजाहरु जस्तै मादल, सारंगी आदिलाई समेटेर संगीत संयोजन गर्यो, दिपककै संगीत समूह रिदम ब्याण्डले । यसरी गीतका रुपमा तयार भयो, मनमगन ।मनमगनको म्युजिक भिडियोको अवधारणा गीत संगसंगै तयार भैसकेको थियो । चेरिसा बज्राचार्यले बनाएको अवधारणालाई मुर्त रुप दिनु थियो । निर्देशक सुव्रतराज आचार्यको टिमले त्यसलाई साकार गर्ने अभिभारा लियो ।</p><p>झण्डै १५० जना कलाकार तथा नृत्य समूहले परम्परागत तथा आधुनिक शैलीको नृत्यको फ्युजन म्युजिक भिडियोमा प्रस्तुत गरेका छन् । ज्येष्ठ नागरिकहरुको आजुगणदेखि अत्याधुनिक हिपहपका साथै सुदुरपश्चिमको तराईमा नाचिने छलिया नाच, पहाडको झ्याउरे, ताम्सलिङ लिम्बुवानको झाँक्री नाच, उपत्यकाको लाखे, भक्तपुरको घिन्ताङ किसी, इन्द्रजात्रामा देखाइने पुलुकिसी र धुनिया घुमाउने अनि उपत्यकाको परम्परागत नाच धिमेनाच लगायतलाई मनमगनको म्युजिक भिडियोमा समेटिएको छ । सांस्कृतिक आदानप्रदान अहिले अवस्थामा सबैभन्दा आवश्यक रहेको छ । त्यही कुराहरु मनमगनको गीत,संगीत तथा म्युजिक भिडियोमा हेर्न र सुन्न पाइनेछ ।</p><p>&nbsp; &nbsp; &nbsp; &nbsp; मनमगनलाई विक्रम सम्बत २०७५ को शुभकामनासहित बैशाख १ गते सार्वजनिक गरिएको छ ।</p><p>मनमगनमा,</p><p>स्वर : &nbsp;दिपक बज्राचार्य</p><p>शब्द : रिकी शाक्य</p><p>संगीत : दिपक बज्राचार्य/रिकी शाक्य</p><p>संगीत संयोजन : रिदम ब्याण्ड</p><p>म्युजिक भिडियो</p><p>अवधारणा : &nbsp;चेरिसा बज्राचार्य</p><p>छायाँकार : &nbsp;अनिल मानन्धर</p><p>सम्पादन : &nbsp;सुप्रिम पराजुली</p><p>निर्देशन : &nbsp;सुव्रतराज आचार्य</p>